Moskvada bir qrup erməni sabah keçiriləcək Putin-Əliyev-Paşinyan görüşü ilə bağlı "Xain Nikol" yazaraq, etiraz edirlər.
Modern.az xəbər verir ki, bu barədə teleqram kanallarında məlumat yayılıb.
Xatırladaq ki, yanvarın 11-də Moskvada Rusiya, Azərbaycan və Ermənistan liderləri arasında danışıqlar aparılacaq.
Kremlin mətbuat xidmətinin yaydığı məlumata görə, Rusiya Prezidenti Vladimir Putin, Azərbaycan Prezidenti İlham Əliyev və Ermənistan Baş naziri Nikol Paşinyan arasındakı görüş Kreml rəhbərinin təşəbbüsü ilə keçiriləcək.
Görüşdə Azərbaycan, Ermənistan və Rusiya liderlərinin 2020-ci il noyabrın 10-da imzaladığı üçtərəfli bəyanatın icrası və bölgədəki problemlərin həlli üçün gələcək addımların müzakirəsi nəzərdə tutulub.
T.İSMAYIL
