ABŞ-ın yeni seçilmiş prezidenti Co Bayden koronavirus əleyhinə “Pfizer” vaksininin ikinci dozasını alıb.
Modern.az "RİA Novosti"yə istinadən xəbər verir ki, Baydenə Nyuarkda, iqamətgahından on-on beş kilometr məsafədə yerləşən hospitalda iynə vurulub.
ABŞ-ın yeni prezidenti vaksinin ikinci dozasını bu gün yerli vaxtla saat 13:35-də (Bakı vaxtı ilə saat 22:35) alıb.
Xatırladaq ki, ABŞ-ın yeni seçilmiş prezidenti Cozef Baydenə ilk koronavirus peyvəndi ötən ilin dekabrın 22-də vurulub. Nyuarkdakı "ChristianaCare" klinikasında baş tutan peyvəndləməni mətbuat nümayəndələri də izləyiblər.
T.İSMAYIL
