Ukrayna Prezidenti Vladimir Zelenski Xarkovda qocalar evində baş vermiş yanğında 15 nəfərin həlak olması ilə əlaqədar ölkədə milli matəmin elan edilməsi haqqında fərman imzalayıb.
Modern.az-ın məlumatına görə, sənəd dövlət başçısının saytında yayılıb.
"21 yanvar 2021-ci ildə Xarkov şəhərindəki qocalar evində baş verən və insan tələfatına səbəb olan yanğın faciəsi ilə əlaqədar olaraq, ölənlərin xatirəsini ehtiramla yad etmək üçün qərar alıram: 23 yanvar, 2021-ci ildə Ukraynada matəm günü elan olunsun", - deyə fərmanda yazılıb.
