Hesablama Palatası Nazirlər Kabinetinə dövlət büdcəsindən publik hüquqi şəxslərə vəsaitlərin ayrılması üzrə konkret çərçivələrin müəyyən olunmasını tövsiyə edib.
Modern.az xəbər verir ki, bu barədə Hesablama Palatasının “Azərbaycan Respublikasının 2020-ci il dövlət büdcəsinin icrası haqqında” qanun layihəsinə və 2020-ci il dövlət büdcəsinin icrasına rəyində qeyd edilib.
Sənədin tövsiyələr bölməsində vurğulanır ki, Palata dövlət büdcəsindən publik hüquqi şəxslərə vəsaitlərin ayrılması üzrə konkret çərçivələrin və mümkün dövlət sifarişlərinə dair normaların müəyyən olunması və dövlət sifarişlərinin əsaslandırılması mexanizmlərinin qurulmasının tərəfdarıdır.
