Koronavirusa yoluxduqdan sonra “Yeni klinika”ya yerləşdirilən Qarabağ Azadlıq Təşkilatının (QAT) sədri Akif Nağının müalicəsində irəliləyiş var.
Modern.az xəbər verir ki, QAT-ın mətbuat xidmətindən verilən məlumata görə, hazırda “Yeni klinika”da müalicə olunan Akif Nağının və həyat yoldaşı Vəsilə xanımın vəziyyəti get-gedə normallaşır.
“Həkimlərin köməkliyi sayəsində güclü müalicə öz təsirini göstərməkdədir. Akif bəy narahat olan dostlara öz təşəkkürünü çatdırmağı xahiş edib. Və bildirib ki, müalicə ilə əlaqədar telefona hər dəqiqə cavab verə bilmir. Ona görədə onu üzürlü saysınlar”.
