“Müharibədə texnologiya vacibdir, amma savaşmaq üçün ürək lazımdır, ona görə də Azərbaycan Ordusunu təbrik edirəm”.
Modern.az xəbər verir ki, bunu Türkiyənin Altınbaş Universitetinin rektoru Çağrı Erhan bu gün ADA universitetində keçirilən " 44 Günlük Zəfər Yolu" tədbirində deyib
Rektor bildirib ki, Ermənistan üçün sadəcə bir seçim var:
“Ermənistan Azərbaycanla əlaqələri düzəltməlidir. Qarabağda yollar inşa ediləcək, minalar təmizlənəcək və Qarabağ Azərbaycanın bir hissəsi olaraq inkişaf edəcək. Türkiyədən həmişə soruşurdular ki, Azərbaycana necə yardım edəcəksiz? Cənab Ərdoğan bildirirdi ki, Azərbaycan necə dəstək istəsə, elə verəcəyik. Türkiyə Azərbaycana nə istərsə, verəcək. Azərbaycan tək deyil, onun Türkiyə kimi qardaşı var. Bu, həmişə də belə olacaq”.
Türkiyəli rektor deyib ki, Qarabağın dirçəlməsində Türkiyə bütün imkanlarını Azərbaycanla bölüşəcək.
