Şimali Koreya bu gün səhər saatlarında növbəti dəfə ballistik raketin sınaqlarını keçirib.
Modern.az-ın məlumatına görə, bu barədə Yaponiyanın sahil mühafizə xidməti bildirib.
Raketin Yapon dənizi istiqamətində buraxıldığı ehtimal edilir. Hazırda raketin düşmə nöqtəsi ilə bağlı dəqiqləşdirmə aparılır.
Yaponiya Müdafiə Nazirliyinin məlumatına görə, Şimali Koreya bu ilin əvvəlindən 10-dan çox raket buraxılışı, o cümlədən qitələrarası ballistik raket sınağı həyata keçirib.
