Rusiya Prezidenti Vladimir Putinin Moskvada keçirilən hərbi paraddakı çıxışı yayımlanarkən “Lenta.ru” nəşri hakerlərin kiber hücumuna məruz qalıb.
Modern.az xəbər verir ki, bu barədə nəşrin baş redaktoru Vladimir Todorov bildirib.
Putinin çıxışı zamanı ekranlarda Ukrayna ilə bağlı mesaj əks olunub: "Minlərlə ukraynalının və yüzlərlə uşağın qanı sizin əllərinizdədir. Televiziyalar və rəsmilər yalan danışırlar. Savaşa yox!".
Eyni zamanda sayta Rusiya Federasiyasının Ukraynadakı xüsusi əməliyyatına qarşı yönəlmiş materiallar yerləşdirilib.
