“İslam partiyasının Baş Məclisinin keçirilməsi müəyyən texniki səbəblərə görə təxirə salındı”. Bunu Modern.az saytına açıqlamasında İslam Partiyasının sədr müavini Rövşən Əhmədov bildirib. Partiya funksioneri qeyd edib ki, onlar sona qədər mübarizə aparmaq niyyətlərindən geri çəkilməyəcəklər.
“Biz axırıncı bəyanatımızla bunu bir daha göstərdik. Prezident seçkisində iştirak etmək əzmindəyik və bunu həyata keçirəcəyik. Amma Azərbaycandakı diplomatik nümayəndəliklərin bəziləri məsuliyyətsiz bəyanatlar verirlər. İslami dairələri bu mübarizədə bir qüvvə kimi qiymətləndirmirlər. Sadəcə olaraq bizim potensialdan öz məqsədləri üçün istifadə edirlər. Belə bir vəziyyətdə seçkilərdə iştirakda israrlı olduğumuzu bəyan edirik. Hansı formatda iştirak edəcəyimiz isə Baş Məclisdə müəyyən olunacaq”-deyə bildirib. Partiya rəsmisi qeyd edib ki, bölgələrdəki görüşlərdən sonra Baş Məclis keçiriləcək.
Aqşin Kərimov
