Türkiyə Böyük Millət Məclisində Xalqların Demokratik Partiyasını (HDP) təmsil edən erməni əsilli deputat Karo Paylan tviter hesabında diqqətçəkən paylaşım edib.
Modern.az xəbər verir ki, Ermənistanda səfərdə olan deputat Ağrı dağının ətəyində lentə alınmış fotosunu paylaşaraq, Bakı və İrəvanı sülhə çağırıb.
"Mən Ağrı dağının erməni tərəfindən Türkiyəyə qayıdıram. İndi Ermənistanla Azərbaycan arasında davamlı sülhün bərqərar olması və Türkiyə-Ermənistan sərhədinin açılması zamanıdır.
Biz hamımız müharibələrdə məğlub olmuşuq. İndi sülh üçün təkan vermək və bütövlükdə qalib gəlmək lazımdır" - paylaşımda deyilir.
Qeyd edək ki, deputat Karo Paylan Ermənistana səfəri çərçivəsində bu ölkənin rəhbər şəxsləri ilə görüşlər keçirib, Ermənistan-Türkiyə münasibətlərinin normallaşma prosesi barədə danışıqlar aparıb.
I am returning from the Armenian side of Mount Ararat to Turkish side.
— Garo Paylan - Կարօ Փայլան (@GaroPaylan) November 2, 2022
Now is the time to establish a lasting peace between Armenia and Azerbaijan and open the Turkish-Armenian border.
We all lost in wars.
Let's now push for peace and win altogether. pic.twitter.com/EcFVflboMa
