Böyük Britaniya və Kanadanın baş nazirləri Rişi Sunak və Castin Trüdo Ukrayna prezidenti Vladimir Zelenski ilə söhbətdə bildiriblər ki, Polşada baş verən raket insidentinə görə Rusiya günahkardır.
Modern.az xarici KİV-ə istinadən xəbər verir ki, Britaniya hökumətinin saytında dərc olunan bəyanatda belə deyilir.
“Onlar vurğuladılar ki, bu işlə bağlı təhqiqatın nəticələrindən asılı olmayaraq, davam edən zorakılığa görə Rusiya günahkardır”.
Noyabrın 15-də axşam Polşa mediası iki raketin Polşa ərazisinə düşdüyünü - Ukrayna ilə sərhəddəki Lyublin voyevodalığında iki nəfərin həlak olduğunu bildirib. Polşa Xarici İşlər Nazirliyi raketin Rusiya istehsalı olduğunu bəyan edib.
