Rusiyanın RBK telekanalı jurnalist İlya Doronovun Qarabağ separatçılarının qondarma “dövlət naziri”, milyarder Ruben Vardanyanla hazırladığı müsahibəni yayımlamayıb.
Modern.az xəbər verir ki, buna səbəb kimi Azərbaycanın telekanala iradları göstərilib.
“İlya Ermənistana xüsusi olaraq bu müsahibə üçün səfər edib, söhbət lentə alınıb və elan edilib, lakin RBK onu yayımlamaqdan imtina edib”, deyə Vardanyan özünün qeyri-rəsmi Teleqram kanalında yaydığı mesajda bildirib. O, RBK rəhbərliyinin bu addımını qınayıb.
