Əvvəlki tədris illərində ümumtəhsil məktəblərində yaxşı oxuyan və dərs proqramını digərlərinə nisbətən tez qavrayan şagirdlərin sinifləri bir pillə irəliləməsinə icazə verilirdi. Məsələn, 3-cü sinifdə oxuyan şagird proqramı yaxşı bilirdisə, o, birbaşa 5-ci sinfə qəbul edilirdi. Son olaraq belə fakt bu il ali məktəbə qəbul olan ən gənc abituriyent – 15 yaşlı tələbədə müşahidə edilib. Belə ki, İsmayıl İsmayılov 1 və 2-ci siniflərin dərs proqramını evdə öyrəndiyi üçün Təhsil Nazirliyində imtahan verərək birbaşa 3-cü sinfə gedib.
Təhsil Nazirliyindən şagirdlərin sinifləri belə keçməsinə icazə verilib və ya verilmədiyini, bunun hansı mexanizmlə aparıldığını öyrənməyə çalışdıq. Nazirlikdən Modern.az-ın sorğusuna bir cümlə ilə cavab verilib ki, şagirdlərin hər hansı bir sinfi oxumadan yuxarı sinfə keçirilməsi mexanizmi mövcud deyil.
Aytən ƏLİYEVA
