Samux rayonunda 5 iyun-Su təsərrüfatı və meliorasiya işçilərinin peşə bayramı qeyd edilib.
Modern.az xəbər verir ki, Samux Su Meliorasiya Sistemlərinin İstismarı İdarəsində keçirilən tədbirdə Samux Rayon İcra Hakimiyyətinin başçısı Firdovsi Əliyev, RİH Aparatının məsul şəxsləri və su idarəsinin işçiləri iştirak ediblər.
Azərbaycan Respublikasının Prezidenti İlham Əliyevin müvafiq Sərəncamı ilə 2014-cü ildən etibarən hər ilin iyun ayının 5-i “Su təsərrüfatı və meliorasiya işçiləri günü” peşə bayramı günü kimi qeyd olunur. Peşə bayramı münasibətilə rayonun su təsərrüfatı və meliorasiya işçiləri Samux şəhəri Heydər parkında ucaldılmış Ulu öndərin abidəsi önünə gül dəstələri qoyaraq xatirəsinin ehtiramla yad ediblər.
Rayon İcra Hakimiyyətinin başçısı Firdovsi Əliyev peşə bayramı münasibətilə rayonda fəaliyyət göstərən su təsərrüfatı və meliorasiya işçilərini təbrik edərək, onlara işlərində uğurlar arzulamışdır. Qeyd olunmuşdur ki, Azərbaycanda mükəmməl su təsərrüfatı və meliorasiya sistemlərinin yaradılması və inkişafı Ulu öndər Heydər Əliyevin adı ilə bağlıdır.Böyük dövlət xadimi və dahi şəxsiyyət Heydər Əliyevin müəyyənləşdirdiyi strateji inkişaf kursu, Heydər Əliyev siyasəti, ideologiyası bu gün Azərbaycan Respublikasının Prezidenti, Müzəffər Ali Baş Komandan İlham Əliyev tərəfindən böyük əzm və uğurla davam etdirilir. Belə ki, ölkə iqtisadiyyatının bütün sahələri kimi aqrar sektor da özünün keyfiyyətcə yeni yüksəliş mərhələsinə qədəm qoyub. Su təsərrüfatı və meliorasiya sisteminin kənd təsərrüfatının inkişafında miqyası və rolu əhəmiyyətli dərəcədə artıb. Dövlətin dəstəyi ilə əhalinin içməli və suvarma suyu ilə təminatının yaxşılaşdırılması istiqamətində qlobal layihələr həyata keçirilib və hazırda da davam etdirilir.
Tədbirin sonunda əmək fəaliyyətində fərqlənən Samux Su Meliorasiya Sistemlərinin İstismarı İdarəsinin bir neçə əməkdaşına Samux Rayon İcra Hakimiyyətinin Başçısı tərəfindən təşəkkürnamələr təqdim edilib.
