Gürcüstan Milli Bankı 2015-ci ilin yanvar-iyul aylarında ölkə banklarına beynəlxalq pul köçürmə sistemləri vasitəsilə transfer edilən və ölkədən çıxarılan valyutanın miqdarını açıqlayıb.
Modern.az Gürcüstan Milli Bankının saytına istinadla xəbər verir ki, yanvar-iyul aylarında qonşu ölkəyə 632 milyon dollar pul köçürülüb. Bu göstərici ötən ilin müvafiq 7 ayı ilə müqayisədə 202,3 milyon dollar yaxud 24,2% azalıb.
Gürcüstana ən çox maliyyə Rusiyadan (247,8 milyon dollar) köçürülüb.
Gürcüstana ən çox pulun köçürüldüyü 2-ci ölkə Yunanıstan (87,1 mliyon dolar), 3-cü ölkə Italiya (60,6 milyon dollar), 4-cü ölkə ABŞ (55,8 milyon dollar) və 5-ci ölkə Türkiyə (42,1 milyon dollar) yer alıb.
Azərbaycandan elektron pul köçürmə sistemləri vasitəsilə Gürcüstana 2015-ci ilin yanvar-iyul aylarında 7 milyon 453 min dollar vəsait köçürülb.
Vüqar İsmayılov
