Arxiv
15 mart 2011, 19:43 | İQTİSADİYYAT
Öncə İnsan

...Son 2 günün statistikası:

Azərbaycan ordusunun əskəri xəstəlikdən öldü.

Azərbaycan ordusunun əskəri özünü asdı.

...Soyuq xəbər başlıqları.

Sonuncunun, yəni intihar edən əskərin ordudan tərxis olunmağına 3 ay qalıbmış...

Anası yolunu gözləyirdi...

Bəlkə sevgilisi də...

...Anası hər dəfə oğlunun ordudan tərxis olunacağını xatırlayanda gəlini üçün aldığı nişan üzüyünü sandıqdan çıxarıb yun şalının ucluğuna sürtüb parıldadar, gün işığına tutub necə göründüyünə baxar və yenidən titrək əlləriylə ən qiymətli, ən əziz əşyalarının arasında gizlədərdi...

Bütün analar kimi...

...Lənət olsun! İnsan statistika deyil! İnsan xəbər deyil! İnsan İnsandı! Onun dəyərinin verilmədiyi yerdə heç bir nəsnənin dəyəri yoxdur!

Hər şey insandan başlayır. Hətta Allah da! Çünki Həqiqət yalnız dərk olunduqda təzahür edə bilər!

İnsanın dəyərləndirilmədiyi cəmiyyət isə Allahsız cəmiyyətdir. Belə cəmiyyətlərdə Tanrının buyurduğu bütün yüksək dəyərlər sadəcə statistikadır, xəbərdir, görüntüdür, soyuq epitetdir, texnologiyadır! 

Ən güclü silah - İnam və Etimad

 

...ATƏT sədrinin snayperlərin təmas xəttindən geriyə çəilməsi barədə açıqlamasından sonra maraqlı bir əhvalatın qulaq şahidi oldum. Cəbhə bölgəsindəki vəziyyət barədə ətraflı bilgiyə malik olan soydaşlarımızdan biri təmas xətti boyu səngərlərdə üz-üzə dayanan əsgərlərin snayperlərə münasibətindən danışırdı. Sən demə az qala bütün hərbi xidmət müddətlərini eyni səngərdə keçirən əsgərlər tez-tez əvəzlənən snayperlərin təmas xəttində olmaları barədə bir-birilərini məlumatlandırırmışlar... Bu məlumatın həqiqətə nə qədər uyğun gəlib-gəlmədiyini təsdiqləyə bilmərəm. Bunun üçün əlimdə heç bir imkan yoxdur və indiki halda olması mümkün də deyil. Amma... əgər həqiqətdirsə?!

Şübhəsiz ki, kimsəni xəyanətdə suçlamaq niyyətində deyiləm. İnsan üçün həyatı əzizdir. Hər kəs nəyin bahasına olursa-olsun sağ qalmağa, gələcəkdə onu nələrin gözləməsindən asılı olmayaraq həyatını davam etdirməyə çalışır. Hətta müharibə şəraitində də... Amma mən "ehtiyatlı ol, snayper var" xəbərdarlığı ilə bağlı əhvalatdan fərqli bir nəticə çıxarmağın tərəfdarıyam. Əsgər, zabit, yaxud düşmənlə üz-üzə dayanan istənilən şəxs qarşı tərəflə yalnız bir halda - sağ qalmaq, həyatı üçün olan real təhlükəni adlatmaq naminə bu və ya digər şəkildə könüllü anlaşmaya girə bilər. Bu isə mənəvi-ideoloji aşınmadan, ədalət və humanizm prinsiplərinin kobud şəkildə pozulmasından doğan aşırı fərdiyyətçilikdən, reflektiv özünümüdafiə instinktinin yüksək dəyərlərə üstün gəlməsindən xəbər verir.

Böyük ideallar və dəyərlər naminə öz azadlığının bir hissəsinin məhdudlaşdırılmasına könüllü şəkildə razılıq verən şəxs özünün, mənsub olduğu cəmiyyətin, vətəndaşı olduğu ölkənin azadlığının və təhlükəsizliyinin keşiyində dayanan Azad İnsandır. O daha böyük amallar uğrunda mücadilə apardığını, daşıdığı missiyanın aliliyini dərk etdikcə mətinləşir, sinəsinə sıxdığı silahdan daha güclü, daha sərrast bir silah qazanır. Bu silahın adı İnam və Etimaddır.

Məşhur Fermopil döyüşündə Kserksin nəhəng və dişinədək silahlanmış ordusuna qarşı döyüşdə ağlasığmaz qəhrəmanlıqlar göstərən və adları tarixin yaddaşına əbədi həkk olunmuş 300 azad spartalını xatırlayaq!

Həhəng Roma imperiyasını və onun azad, qürurlu insanlardan ibarət legionlarını yada salaq!

Corc Vaşinqton intizamlı ordunu azad cəmiyyətin dayağı hesab edirdi: "İntizam orduda, qanunlar isə mülki cəmiyyətdə insan hüquq və azadlıqlarının keşikçiləridir. İntizamlı orduda və azad cəmiyyətdə şöhrətə aparan yollar hər kəs üçün açıqdır".

Babək "Bir gün azad yaşamaq qırx il qul kimi ömür sürməkdən daha şərəflidir", - deyirdi və məhz buna görə dünyaya meydan oxuyan xilafətin nəhəng ordularına qarşı 20 il şərəflə mücadilə apara bildi...

...Bu yazıda tarixdən və onun düzənini dəyişən şəxsiyyətlərdən çoxlu sayda iqtibas gətirə bilərəm. Amma bütün bu iqtibasların bətnində ortaq bir amilin - İnsanın dayandığını bildiyim üçün buna lüzum görmürəm.

İnsan şəxsiyyəti və qüruru isə toxunulmazdır! İnsan yalnız dərk etdiyi həqiqət və inandığı amallar uğrunda mübarizə aparanda məğlubedilməz olur!

 

 

BU KATEQORİYADAN OLAN DİGƏR XƏBƏRLƏR
+ Arxiv
Pakistanda avtobus qəzası: 26 ölü, 12 yaralı 22 Sentyabr 2019, 18:08 Bakıda 3 otaqlı ev yanıb   22 Sentyabr 2019, 17:40 Aytəkin Alxaslıdan Elçin Quliyevlə bağlı icazəsiz yazı... 22 Sentyabr 2019, 17:25 Bədii gimnastika üzrə 37-ci Dünya Çempionatının bağlanış mərasimi keçirilir 22 Sentyabr 2019, 16:39 Cəlilabadda 8 otaqlı ev yanıb   22 Sentyabr 2019, 15:25 Hərbi qulluqçu Elyarbəy Məmmədov torpağa tapşırılıb 22 Sentyabr 2019, 15:16 Tural Gəncəliyev erməniləri ifşa etdi - VİDEO 22 Sentyabr 2019, 14:39 Ağsuda iki “VAZ” toqquşub, xəsarət alan var 22 Sentyabr 2019, 14:35 Azərbaycanın ərazi sularında gəmilərin hərəkətinə icazə verilib 22 Sentyabr 2019, 14:07 “Böyük İpək Yolu”ndan təlim – “Gənclərin karyerada yüksəliş imkanları” 22 Sentyabr 2019, 14:01 Ərdoğan ABŞ-a gedib 22 Sentyabr 2019, 13:43 Amerikada qarşılıqlı ittihamlar kimin sonuna çıxacaq? – HARVARD MƏZUNU YAZIR 22 Sentyabr 2019, 13:01 Diş həkiminin xəstəliyə yoluxdurduğu aktyor - Ələkbər əminin NAĞILI 22 Sentyabr 2019, 12:41 Sabahın HAVASI: Yağış yağacaq 22 Sentyabr 2019, 12:38 Küləyin aşırdığı ağac 120 evi qazsız qoydu 22 Sentyabr 2019, 12:32 Şahdağda qarın hündürlüyü 3 santimetrə ÇATIB – Faktiki HAVA   22 Sentyabr 2019, 12:27 “Korrupsioner məmurun öz sərvətini açıqlaması intihar kimi bir şeydir” 22 Sentyabr 2019, 12:22 Şəmkirdə bir nəfər hovuzda boğuldu   22 Sentyabr 2019, 12:10 Ömrün nisgil toplusu “Dəyişmirik” çapdan çıxdı 22 Sentyabr 2019, 12:05 Bakıda Çilinin müstəqilliyinin 209-ci ili qeyd edilib 22 Sentyabr 2019, 11:56 Selcan o statusu niyə YAZDI? - Fuad Qəhrəmanlı aydınlıq gətirdi 22 Sentyabr 2019, 11:56 Sabah Azərbaycanda payız başlayacaq 22 Sentyabr 2019, 11:36 Mahir Emrelinin evini qarət edən şəxslər danışdı - VİDEO 22 Sentyabr 2019, 11:20 Ötən il dünyanın böhran regionlarında 29 milyon körpə doğulub   22 Sentyabr 2019, 10:50 Yaponiyada 400-dən çox aviareys təxirə salındı 22 Sentyabr 2019, 10:36 Qubanın dağlıq kəndlərinə qar yağıb 22 Sentyabr 2019, 10:32 Şirvanda transformator yanıb   22 Sentyabr 2019, 10:27 Ermənilər cəbhədə təxribatlara davam edir 22 Sentyabr 2019, 09:36 Bu gün Azərbaycan komandası Dünya Çempionatının finalında mübarizə aparacaq 22 Sentyabr 2019, 09:31 “Problemli kreditlərlə bağlı əhalini sevindirəcək dəyişiklik gözlənilir” 22 Sentyabr 2019, 09:20 Bakıda 9 yaşlı uşağı yük maşını vurdu 22 Sentyabr 2019, 00:34 Güclü külək Goranboyda fəsadlar törətdi 22 Sentyabr 2019, 00:16 Tacikistanda rüs əsgərlərinə hücum edildi 21 Sentyabr 2019, 23:54 Ermənistanda qubernator köməkçisi ordu zabitini öldürdü 21 Sentyabr 2019, 23:09 Neftin bölüşdürülməsi problem yaratdı 21 Sentyabr 2019, 22:47