Arxiv
4 Fervral 2019, 15:37 | MƏDƏNİYYƏT
Əlinizə aldığınız ən yüksək məbləğ nə qədər olub? - Modern.az-da yeni RUBRİKA - Maraqlı cavablar

Hər kəs gözlənilməz, bəzən cavab vermək istəmədiyi, bəzən isə cavablandırmağa çəkindiyi suallarla qarşılaşa bilər. Əgər maraqlı, düşündürücü, bir o qədər də əhəmiyyətli suallar ətrafında fikirləşiriksə, hərdən də elə suallar eşidirik ki, “nə dəxli var?” deyib, yola verməyə çalışırıq.

Modern.az saytına yeni rubrikaya start veririk. “Tərs sual” adlanın rubrikada iştirakçılar gözləmədikləri suallarla qarşı-qarşıya qalacaqlar. Qəfil suallara cavablar təbii ki, maraqlı olacaq.

Rubrikmızın ilk iştirakçıları da onlara ünvanladığımız suala cavabı xeyli düşündülər və səsləndirdilər.


Beləliklə: İndiyə qədər əlinizə aldığınız ən yüksək məbləğdə pul nə qədər olub?

Elə ilk olaraq, jurnalist həmkarlarımızdan başlayaq. Jurnalist Naibə Qurbanova deyib ki, əlinə gələn ən çox pul 10 min manat olub:

“Rəfiqəm ən etibarlı “əmanət bankı” kimi məni seçmişdi. Nominalına görə ən çox pulu həyat yoldaşım verib - 52 min - rus rublu ilə. Ən böyük qacancım isə ilk əmək haqqım idi – köhnə pulla 20 min manat, el dili ilə desək, “iki şirvan” qonorarım olub”.

Yeni Müsavat” qəzetinin əməkdaşı Elşad Məmmədli bir dəfə əlinə 65 min dollar alıb:

“Rusiyada yaşayan, ora vətəndaşı olan bir qohumum Bakıda mülk almaq istəyirdi. Ərazinin torpaq sahəsi də olduğundan və Azərbaycan qanunları başqa ölkə vətəndaşının torpaq almasına icazə vermədiyindən həmin mülkü mənim adıma almışdıq. O zaman mənə pul göndərmişdi, mən də həmin mülkün alınması üçün aparıb bank hesabına köçürmüşdüm”.

Millət vəkili Tahir Kərimli də səmimi cavabı ilə seçildi. Tahir Kərimlinin əlinə aldığı ən yüksək məbləğdə pul 1990-cı illərdə olub:

“İndiki manatın nominalı ilə əlimə aldığım ən yüksək məbləğdə pul 10 min manat olub. Amma 1990-cı illərdə təxminən 5 ildən artıq işləyib, qazandıqlarımdan topladığım məbləğ əski manatın nominalı ilə 100 min manat olub. Onun 83 min manatını Azərbaycan Xalq Cəbhəsi Partiyasının İsmayıllı rayon şöbəsinin rəhbərlərinə verdim. Həmin pula Ukraynadan mərmi alınıb, Azərbaycana gətirildi. O dövr Azərbaycan üçün çox çətin zamanlar idi və hərbi dəstəyə ehtiyacımız yaranmışdı. Açığını deyim, həmin pula ata-baba yurdumda ev tikmək istəyirdim. 100 min manatın 17 min manatını isə digər xərclərə  sərf etdim. Nəticədə özümə bir qəpik də qalmadı”.  

Tanınmış şair, publisist  Aqşin Yenisey:

“Bilmirəm, bu sualı nə üçün verirsiniz, madam ki, soruşursunuz, deyim. Mənim əlimdə indiyədək tutduğum ən böyük məbləğ əmimin qazancı olub - 150 min dollar. Bakıda ev almışdıq, mən uzun müddət o evdə yaşadım, Rusiyada rubl ucuzlaşanda satdıq. Öz qazandığım ən böyük məbləğ isə 5000 manat olub - bir kitabıma verilən qonorar”.

Məşhur şair Rüstəm Behrudinin sözlərinə görə, onun üçün pul önəmli bir şey deyil:

“Çünki mən kiçik şeylərə qane olan adamam! Ən çox qonorarı "Yazıçı" nəşriyyatında çap olunan, sonradan yasaqlanan "Şaman duası" kitabına görə almışdım! Dəqiq rəqəm xatırlamasam da, bir maşın alacaq qədər çox pul idi!”.

Adətən, peşəkar idmançılarımız da beynəlxalq yarışlarda Azərbaycanı təmsil etdiklərindən yaxşı qazanc əldə edənlər sırasında olurlar. Boksçu Fariz Məmmədov da dünya çempiyonluğuna qədər yüksəlmiş və yaxşı qazanc əldə etmiş idmançılardandır:

“İndiyə qədər qazandığım ən yüksək məbləğdə pul elə son döyüşümdə  aldığım məbləğ olub. Dünya çempionu olduğuma görə 100 min avro qazanmışdım. Bu günə qədər döyüşlərdən qazandıqlarımı bir yerə yığsaq, rəqəm böyükdür, amma birdəfəyə qazandığım ən yüksək məbləğ bu idi”.

Azərbaycan Demokrat Partiyasının sədri Sərdar Cəlaloğlu isə əlinə aldığı ən yüksək məbləği xatırlamaqda çətinlik çəkir:

“Düzünü desəm, anidən düşünəndə adamın ağlına gəlmir ki, əlinə aldığı pul nə qədər olub. Evimiz plana düşəndə 350 min manat kompensasiya ödənilmişdi. Əvvəlki manatın nominalı ilə. Mən onu bankdan götürüb, köçəcəyimiz evin ödənişinə verdim. Əlimə aldığım ən yüksək məbləğ bu olub. Pulla bağlı fəaliyyətim olmadığına görə, yüksək məbləğ xatırlamaqda çətinlik çəkirəm”. 

Müasir Müsavat Partiyasının sədri Hafiz Hacıyevin əlinə aldığı ən yüksək məbləğ balıqçılıq naziri işlədiyi dövrdə aldığı maaş olub:

“Bu, o vaxtın pulu ilə təxmini 1200-1500 manat təşkil edirdi. Təbii ki, o zaman manatın nominalını nəzərdə tuturam. Amma ondan sonra elə böyük məbləğdə pul görməmişəm. Mənə əmanət edib, pulumu saxla deyən də olmayıb. Hardadır, bizdə o bəxt?!”.
 

Müğənni Elza Seyidcahan da pul barəsində nə isə deməyi, açıqlamalar səsləndirməyi xoşlamır:

“Pul gəldi-gedər bir şeydir. Əlimə dəyən ən yüksək, ən dəyərli şey  təmiz, ləyaqətli şəxsiyyətlərin əlləridir. Mənim müəllimlərimin, əzizlərimin, dəyərli, sadə insanların əllərimə dəyən nurani əlləri çox qiymətlidir. Pul isə əl çirkidir. Heç vaxt böyük məbləğ dedikdə pul yada düşməməlidir. Nurani, fəxr ediləsi şəxsiyyətlərin önəmi bizim üçün həmişə yüksəkdə olmalıdır”.

Araşdırmaçı jurnalist Təbriz Vəfalı əlinə aldığı ən yüksək məbləğdə pulu jurnalist müsabiqələrindən qazanıb:

“Keçən ilin yayında 2500 manat qazanmışdım. Əlimə aldığım ən yüksək məbləğdə pul bu olub. Bir müsabiqədə öz yerimə və başqa jurnalistlərin yerinə məqalələr yazmışdım. 4 müsabiqənin hamısında əməyim olan yazılar qalib oldu və mən qazandım”.

Nəhayət, hər katerqoriyada insanın fikrini öyrənməyə çalışdığımız üçün, tələbə dostumuza da müraciət etdik. Bakı Dövlət Universitetinin tələbəsi Səbinə Qurbanovanın indiyə qədər əlinə aldığı ən yüksək məbləğ 2 min manat olub:

“Pulu ali məktəb ödənişim üçün ailəm göndərmişdi. 1600 manatını ödənişə, digər 400 manatı isə kirayə və şəxsi xərclərimə sərf etməli idim. Bu indiyə qədər birdəfəyə əlimə aldığım ən yüksək məbləğ olub”.


P.S. Növbəti sualımızı gözləyin...

BU KATEQORİYADAN OLAN DİGƏR XƏBƏRLƏR
+ Arxiv
"Azərbaycan dövləti həmişə vətəndaşının yanındadır" - Elazığdan dönən tələbə 27 Yanvar 2020, 01:04 Əfsanəvi basketbolçu helikopter qəzasında ölüb 27 Yanvar 2020, 00:23 Bu gündən seçki bülletenlərinin çapına başlanılır 27 Yanvar 2020, 00:03 "İsmayıllıdakı qəzada bir ailənin 3 üzvü ölüb" - DYP  26 Yanvar 2020, 23:49 Vüqar Bayramovun Füzulidə məhsuldar görüşləri davam edir - FOTOLAR 26 Yanvar 2020, 23:28 Yüksək narkotik qəbul edən şəxs hamamda öldü 26 Yanvar 2020, 23:12 Gəncədə yetkinlik yaşına çatmayan qız doğuş həyata keçirib 26 Yanvar 2020, 22:44 ABŞ səfirliyinə raket atıldı 26 Yanvar 2020, 22:29 Zaur Məmmədov Cəbrayıl qəsəbəsində seçicilərlə görüşdü - FOTOLAR 26 Yanvar 2020, 22:11 Bir sutkada Suriyaya 981 qaçqın qayıdıb 26 Yanvar 2020, 21:56 Seçicilər hə” dedilər... -  Turanda görüşlər 26 Yanvar 2020, 21:46 Qənirə Paşayeva seçicilərin problemlərini dinlədi - FOTOLAR 26 Yanvar 2020, 21:41 Tovuzda qardaş qardaşı bıçaqlayıb 26 Yanvar 2020, 21:22 Gürcüstan-Azərbaycan sərhədində yeni keçid məntəqəsi tikiləcək 26 Yanvar 2020, 21:06 Araz Hüseynov namizədliyini Azay Quliyevin xeyrinə geri götürdü - FOTO 26 Yanvar 2020, 20:53 İmişli sakini Goranboyda naməlum şəraitdə ölüb 26 Yanvar 2020, 20:45 ABŞ-da təhlükəli virusa yoluxanların sayı artıb 26 Yanvar 2020, 20:35 Bakıda ağır qəza - FOTO 26 Yanvar 2020, 20:17 Elmar Musayev Gədəbəy seçicilərinin aşkar favoriti oldu - FOTOLAR 26 Yanvar 2020, 20:06 İranda uçuş zamanı təyyarədə yanğın olub 26 Yanvar 2020, 19:56 Nigeriyada Lassa qızdırmasından 29 nəfər ölüb 26 Yanvar 2020, 19:21 Oğuz rayonunda baş vermiş yanğın söndürülüb 26 Yanvar 2020, 18:57 Əhliman Əmiraslanov seçiciləri ilə görüş keçirib 26 Yanvar 2020, 18:48 Yanğın baş verən binada yaşayan köçkünlər kirayə mənzilə yerləşdirilib - RƏSMİ 26 Yanvar 2020, 18:33 Gəncədə "Musa Quliyev - O, Sizin səsinizdir" filminin təqdimatı keçirilib 26 Yanvar 2020, 18:17 Rəşad Camalov Şirvanda şəhid ailələri ilə birgə - FOTOLAR 26 Yanvar 2020, 17:57 “Müsavat bəzi dairələrdə YAP-la birləşib, müxalifətə alternativlik edir” – İTTİHAM  26 Yanvar 2020, 17:48 Musa Qasımlının izdihamlı görüşləri davam edir - FOTOLAR 26 Yanvar 2020, 17:33 Türkiyədə zəlzələ qurbanlarının sayı 36-ya çatdı 26 Yanvar 2020, 17:18 Zəlzələ bölgəsindən çıxarılan tələbələr Bakıda - FOTOLAR 26 Yanvar 2020, 17:01 Daha bir aviaşirkət Çinə reysləri təxirə saldı 26 Yanvar 2020, 16:51 Əfqanıstanda toyda partlayış törədildi 26 Yanvar 2020, 16:38 MSK deputatlığa namizədlərin siyahısını YENİLƏDİ 26 Yanvar 2020, 16:17 Qüdrət Həsənquliyevin seçicilərlə növbəti izdihamlı görüşü keçirildi - FOTOLAR 26 Yanvar 2020, 16:08 Təxliyə edilən tələbələr Naxçıvandan təyyarə ilə Bakıya yola salındı 26 Yanvar 2020, 16:01
SORĞU Yeni parlamentdə kimlər olsun?