ABŞ-ın keçmiş dövlət katibi Hillari Klinton növbəti dəfə Donald Trampı kəskin tənqid edib. Modern.az xarici mediaya istinadən xəbər verir ki, Hillari Klinton Trampın Orta və yaxın məsafəli raketlərin ləğv edilməsi barədə sazişdən çıxmaq qərarının doğru olmadığını bildirib.
H.Klinton Vaşinqtonda Corctaun Universitetində çıxış edərkən bildirib ki, dünyaya hazırda silahlanma yarışı lazım deyil: "Tramp administrasiyasının bu qərarı Rusiya Prezidenti Vladimir Putin üçün hədiyyədir, çünki bu qərar Moskvaya Vaşinqtonun ardınca bu sazişdən çıxmaq qərar verməyə imkan yaradıb. Sazişlə bağlı Rusiya ilə fikir ayrılıqları regionda gözlənilməzlik amilini gücləndirəcək”.
