Arxiv
14 Fevral 2019, 21:16 | ƏDƏBİYYAT
40 ilin işığı, 40 günün zülməti - Dünyanın Nazim ziyası...

61 illik ömrünün 40 ilində zəkanı şama çevirib gələcək nəsillərin həyatına işıq saçdın. Dünyanı tərk etdiyin bu 40 gün ərzində isə səni sevənlərin həyatını zülmətə qərq etdin. İndi bu iki təzadlı 40 rəqəminin arasında anlaşılmayan bir vəziyyətdəyəm, salamı və əlvidası olmayan bir vəziyyətdə. Amma yox, əlvida demirəm, görüşənədək deyirəm, böyük Nazim ziyası qarşısında kiçikliyimi bir daha hiss etmək üçün...
 

Hər bir kəs özünü öz həyat yolu, əməlləri ilə təsdiq edir. Əgər insan xeyirxahlığı, qayğıkeşliyi, səmimiyyəti, ziyası ilə fərqlənə bilirsə, saleh əməl sahibidirsə, seçdiyi peşənin müqəddəsliyini qorumağı, nüfuzunu saxlamağı bacarırsa və bütün bunları öz həyatının ali məqsədinə çevirirsə, o, yaddaşlara əbədi iz salır. Sözsüz ki, bu cür şərəfli bir həyat yolu keçmək  o qədər asan deyil və həm də hər kəsə qismət olmur. Haqqında söhbət açacağımız Nazim Xudiyev 61 illik ömründə bu həyat yolunu seçdi və onun çətinliklərindən keçə bildi...

Müəllimlik bütün peşələrin zirvəsində dayanır və elə bir ilahi missiyadır ki, yalnız bu adı layiqincə daşıyanlar o zirvəni fəth edə bilirlər, bizim Nazim müəllim kimi... Vaxtsız ölüm bu istedadlı, səmimi, qayğıkeş insanı, bacarıqlı pedaqoqu,  uğurlu məktəb təşkilatçısını aramızdan aparsa da, ölüm belə, onun parlaq xatirəsini yaddaşımızdan silməyə acizdir.

Nazim Xudiyev 1957-ci ildə Xankəndi şəhərində müəllim ailəsində dünyaya göz açmışdı. Orta təhsilini bu şəhərdəki Nizami Gəncəvi adına 4 nömrəli orta məktəbdə almışdı. 1979-cu ildə Xankəndi Pedaqoji İnstitutunun fizika fakültəsini bitirdikdən sonra təyinatla Şuşa rayon Malıbəyli kənd orta məktəbində pedaqoji fəaliyyətə başlayan Nazim Xudiyev 2012-ci ilə qədər bu təhsil ocağında müəllim kimi çalışmışdı.


2012-ci il dekabrın 30-da prezident İlham Əliyevin sərəncamı ilə Xankəndi şəhər 4 nömrəli orta məktəbi Bakının Sabunçu rayonunun Ramanı qəsəbəsində müasir standartlara uyğun inşa edilib istifadəyə veriləndə Nazim Xudiyev öz doğma məktəbinə direktor təyin edildi. Sözsüz ki, bu vəzifəyə təyinat böyük etimad olduğu qədər də böyük məsuliyyət idi. Hər şeyi yenidən başlamaq, zəngin təhsil ənənəsi olan Xankəndi məktəbində ənənələri yenidən bərpa etmək böyük zəhmət tələb edirdi. Təbii ki, Nazim müəllimin direktor kabinetinə getdiyi yol heç də rəvan olmayacaqdı. Amma o, bütün bu çətinliklərə baxmayaraq özünü bütövlükdə bu işə həsr etdi və çox qısa bir müddət ərzində sıfırdan başlayan məktəb ən yüksək göstəriciləri ilə fərqləndi.

Qurub yaratmaq eşqi ilə yaşayan Nazim müəllim üçün məktəb doğma ev idi, bu evin sakinləri olan müəllimlər və şagirdlər isə onun üçün doğma insanlar sayılırdı. Kollektivdə yaratdığı mühit, isti münasibətlər bütövlükdə mehriban bir ailəni xatırladırdı. Digər bir tərəfdən bu kollektivi bir-birinə daha da doğmalaşdıran başqa bir səbəb də var idi; Qarabağ sevgisi, yurd nisgili, doğma torpaqlara qayıtmaq ümidi...

Böyük arzularla yaşayırdı Nazim müəllim. Ən ali arzusu isə Xankəndi ilə bağlı idi, Xankəndi məktəbinin elə Xankəndinin özündə fəaliyyət göstərəcəyi günü səbirsizliklə gözləyirdi. O öz növbəsində bu arzunun gerçəkləşməsi üçün əlindən gələni əsirgəmirdi. Hələ məlum Qarabağ hadisələri başlananda gündüzlər dərs dediyi şagirdlərlə birgə gecələr səngərlərdə keşik çəkən Nazim müəllim üçün torpaqlarımızın işğal altında olması ən böyük dərd, ən böyük faciə idi. Və o, bir ziyalı kimi bütün tədbirlərdə, görüşlərdə, ən adi dost məclislərində belə Qarabağ mövzusunu önə çəkirdi.

Sonuncu müsahibəsini ötən ilin may ayında, doğum günü ərəfəsində vermişdi. “Azərbaycan müəllimi” qəzeti üçün hazırladığım bu müsahibədə dörd saatlıq söhbətimiz əsnasında o, pedaqoji fəaliyyəti haqqında bir neçə cümlə deməklə kifayətlənmişdi, onu daha çox düşündürən, narahat edən Qarabağ hadisələri haqqında ürək yanğısı ilə söhbət açmışdı.


Bu il pedaqoji fəaliyyətinin qırx illik yubileyini qeyd edəcəkdi. Təmtəraqlı yubiley məclislərindən uzaq olan Nazim müəllim bu tarixi qürur hissi ilə qarşılayırdı və bu yubileylə bağlı bir tədbir keçirəcəyini də qərarlaşdırmışdı. Bu qüruru ona bəxş edən həyata vəsiqə verdiyi məzunları idi. Məzunlar hər il olduğu kimi yenə də sevimli müəllimlərinin başına yığışacaqdılar, Nazim müəllim bu gənclərə baxıb fəxr edəcək və yaşanmış illərin, çəkdiyi zəhmətin mənasız olmadığından özünü dünyanın ən xoşbəxt müəllimi sanacaqdı.  
 

Pafosdan, bərbəzəkli cümlələrdən uzaq adam idi Nazim müəllim. Sevgisini də, acı-ağrılarını da, elə doğma yurda bağlılığını da büruzə verməzdi. Ürəyi böyük idi, bütün bu hisslər toplusunu o, böyük ürəyinə yerləşdirirdi.

Nazim müəllimi fərqləndirən cəhətlərdən biri onun istənilən vəziyyətdə təmkinli olmağı bacarmaq qabiliyyəti idi. Məhz o, simasındakı sakit cizgiləri, çöhrəsindəki kiçik bir təbəssümü ilə yaranmış gərgin vəziyyəti “yumşaltmağı” bacarırdı.

Belə bir deyim var ki, ölüm dünyanın köhnə işidir, sadəcə insanlar doğmalarını itirdikdə o təzələnir. Və bir mütləq həqiqət də var ki, insan dünyaya gələndə onun haqqında yalnız bir gerçəkliyi dəqiq bilirik, o, nə vaxtsa bu dünyanı tərk edəcək. Nazim müəllim də bu gerçəklikdən yan keçə bilməzdi və o, çox da sərt olmayan bir yanvar axşamında, heç kəsə əziyyət vermədən bu dünyanı tərk etdi. Bu gəlimli-gedimli dünyanın növbəti karvanının önündə öz saflığı, təmizliyi ilə mələklərin çiynində haqqın dərgahına üz tutdu.

Nazim müəllim gələcək nəsillərin yoluna işıq salmaq üçün zəkasını şama çevirən böyük ziyalı, xeyirxah insan kimi yaddaşlara köçdü, xatirələrdə, könüllərdə özünə əbədi yer qazandı və sözsüz ki, onun əziz xatirəsi nazimsevərlərin qəlbində daim yaşayacaq, o həmişə xoş xatirələrlə xatırlanacaq, şərəfli bir ömrün sahibi kimi...


İlham Cəmiloğlu 

BU KATEQORİYADAN OLAN DİGƏR XƏBƏRLƏR
+ Arxiv
I, V, IX siniflər üçün həftədə üç, X və XI siniflər üçün dərslər tam onlayn qaydada keçirilsin - TƏKLİF 12 Avqust 2020, 17:22 YAP İdarə Heyətinin iclası keçirilib 12 Avqust 2020, 17:16 İcra hakimiyəti iki iri marketi cərimələdi - FOTO 12 Avqust 2020, 17:10 Bu yaşda olan insanların daha çox psixoloji dəstəyə ehtiyacı var 12 Avqust 2020, 17:05 Azərbaycanda daha bir sığorta şirkəti əmlakını satışa çıxardı 12 Avqust 2020, 17:00 Yeni nağıl qəhrəmanı yaradın! - Müsabiqə 12 Avqust 2020, 16:55 “Apple”in rəhbəri milyarder oldu 12 Avqust 2020, 16:50 İlham Zəkiyev sədr seçildi 12 Avqust 2020, 16:45 İlham Əliyev taksi sürdü - VİDEO 12 Avqust 2020, 16:39 Azərbaycanda koronavirusa yoluxanların sayı yenə artır - daha 2 nəfər öldü 12 Avqust 2020, 16:33 Bayden Konnektikutedə ilkin seçkilərdə qələbə qazanıb 12 Avqust 2020, 16:27 Diaspor hərəkatının dönüş nöqtəsi - 1-ci hissə 12 Avqust 2020, 16:22 Niderlandda ən böyük narkolaboratoriya  bağlandı 12 Avqust 2020, 16:17 Kürdəmirdə “Mercedes” traktora çırpılıb, ölən var 12 Avqust 2020, 16:12 Qubaya istirahətə gələn 7 nəfər cərimələndi 12 Avqust 2020, 16:06 Məktəblərdə bir dərs 35 dəqiqə, tənəffüs müddəti isə 10 dəqiqə olsun - TƏKLİF 12 Avqust 2020, 16:00 Nazir Xəzər sahilinin təmizlənməsi prosesində - Foto 12 Avqust 2020, 15:55 Prezident Əli Əsədova daha bir yüksək vəzifə verdi - SƏRƏNCAM 12 Avqust 2020, 15:50 Pərvin Kərimzadə: “Qarabağ” dayaq blokunun istifadəyə verilməsi mühüm hadisədir 12 Avqust 2020, 15:48 Vilayət Eyvazov onu DYP-yə rəis TƏYİN ETDİ 12 Avqust 2020, 15:45 “Məsləhətləşmələr aparılır”: Nazirlikdən yeni tədris ili AÇIQLAMASI 12 Avqust 2020, 15:40 Yas mərasimində iştirak edən 17 nəfər saxlanıldı - FOTOLAR 12 Avqust 2020, 15:34 Azərbaycan Premyer Liqasının yeni mövsümünün püşkü atıldı 12 Avqust 2020, 15:28 Sahibkarlığın İnkişafı Fonduna yeni sədr təyin olundu 12 Avqust 2020, 15:22 İlham Əliyev yeni "London taksi"ləri ilə tanış oldu - FOTOLAR 12 Avqust 2020, 15:16 15 yaşlı qızı zorlayan müəllimlə bağlı hökm ağırlaşdırıla bilər 12 Avqust 2020, 15:10 Azərbaycanda qızıl və gümüş kəskin ucuzlaşdı 12 Avqust 2020, 15:08 Orta məktəblərdə dərsə davamiyyət məcburi olmayacaq 12 Avqust 2020, 15:02 Goranboyda karantin reydləri keçirilir 12 Avqust 2020, 15:00 Neft Fondunun gəlirləri niyə azalır? - AÇIQLAMA 12 Avqust 2020, 14:56 190 manat alacaq səxslərin siyahısı banklara göndərildi - RƏSMİ 12 Avqust 2020, 14:54 Məktəblər üçün yeni tədris cədvəlinin hazırlanması təklif edildi 12 Avqust 2020, 14:48 "Barselona"nın futbolçusu koronavirusa yoluxdu 12 Avqust 2020, 14:42 “Gələcəyimiz gənclərdir” festivalı baş tutub - FOTO 12 Avqust 2020, 14:36 Azərbaycanda məhbus qollarını doğradı 12 Avqust 2020, 14:30