Arxiv
5 Sentyabr 2019, 08:46 | PARLAMENT
“Ali təhsil haqqında” qanun layihəsi hazırdı - Komitə sədri detallardan DANIŞDI

“Bir neçə aydır ki, “Ali təhsil haqqında” qanun layihəsi üzərində çalışırıq. İyunda layihənin müzakirəsinə dair ilk iclası keçirdik. İclasda Elm və təhsil komitəsi ilə yanaşı, digər qurumların da iştirakı ilə İşçi qrupunu formalaşdırdıq. İşçi qrupuna Elm və təhsil komitəsinin üzvləri daxildir. Bu deputatlar ali təhsillə birbaşa bağlıdırlar, o sahədə çalışıblar. Eyni zamanda, İşçi qrupunun  tərkibində Təhsil Nazirliyinin, eləcə də, digər qurumların   nümayəndələri  təmsil olunur. Həm ali məktəbləri, həm də vətəndaş cəmiyyətini təmsil edən şəxslər də var”.

Bunu Modern.az-a Milli Məclisin Elm və təhsil komitəsinin sədri İsa Həbibbəyli “Ali təhsil haqqında” qanun layihəsindən danışarkən deyib.

 

“Sentyabrın 15-nə qədər təqdim olunmalıdır”

Komitə sədri bildirib ki, qanun layihəsinin modeli artıq hazırdır:

“İşçi qrupu bütün növ şəxslərlə əhatə olunmalıdır ki, sabah qanun layihəsi hazırlanarkən onların fikirləri ilə də tanış olaq. İşçi qrupunun  ilk iclasını da keçirmişik. İclasda”Ali təhsil haqqında”  qanun layihəsini  hazırlamaq üçün  strategiyanı müəyyənləşdirib müzakirə etmişik, məsələlərə aydınlıq gətirmişik. Bundan başqa, “Ali təhsil haqqında” qanunun modelini hazırlayıb İşçi qrupun hər birinə təqdim etmişik ki, tətil müddətində bu model ətrafında  işləyib,  öz fikir və mülahizələrini müəyyənləşdirib sentybarın 15-nə qədər Elm və təhsil komitəsinə təqdim etsinlər. Elm və təhsil komitəsinin işində parlamentin işçiləri də çalışırlar. Hər maddə üzrə maarifçilik işləri aparıb onların da fikirlərini dinlədik”.

 


Universitetlərdə himayəçilər qrupu yaradılacaq

İsa Həbibbəylinin sözlərinə görə, layihə üzərində işləyərkən dünya təcrübəsi də öyrənilib:

“Yay tətili müddətində dünya təcrübəsini də öyrəndik. Bir neçə ölkənin ali təhsil haqqında qanunlarına baxdıq. Rusiyanın, Belarusun qanun layihələrinə  nəzər saldıq. Həmçinin, Çin də bizim üçün maraqlı olduğundan onların da ali təhsil haqqında qanunlarına baxdıq. Macarıstanın da təhsil qanunu öyrəndik, bəzi məqamlara diqqət yetirdik. Dünyanın bir çox ali məktəblərində olmuşam. 17 il Naxçıvanda rektor kimi çalışarkən bizim ali məktəbin dünyanın 80 universiteti ilə əlaqələri vardı. Yaponiya, Türkiyə, eləcə də Qərb universitetlərinə səfərlərim olub. Keçən həftə Türkiyənin Maltəpə universitetində böyük tədbirdə iştirak etdim. Məni maraqlandıran bəzi məqamları soruşdum. Türkiyənin bütün universitetlərinin himayəçilər qrupu var. Bizdə isə ancaq bir neçə universitetdə himayəçilər qrupu  fəaliyyət göstərir. Düşünürəm ki, bizim universitetlərin də hamısında himayəçilər qrupu olmalıdır, universitet strategiyasının müəyyənləşdirilməsində bu qrupun müəyyən rolu var. Güman ki, qanunvericilikdə bu məsələ öz əksini tapacaq və universitetlərə tövsiyə olunacaq”.  

 

“Təhsil Nazirliyindən yeni təkliflər gözləyirəm”

İsa Həbibbəyli dünya  təcrübəsindən söhbət edərkən bir məqamı da qeyd edib.  “Harda ki, dünya standartları bizim xeyrimizədir, ondan faydalanmağa çalışacağıq” deyib:

“Elə ölkələr var ki, onların təhsil sistemi öz ölkəsi üçün realdır, bizə uyğun deyil. Dünya standartlarının ölkəmizdə kor-koranə  formada  qəbul edilməsinin əleyhinəyəm. Ölkəmizin öz reallığı, ənənələrimiz, modellərimiz mövcuddur. Elə dünya təcrübəsi ola bilər ki, təhsilimizə zərər gətirə bilər. Bizi irəli apara biləcək məsələləri götürməliyik. Eyni  zamanda,  dünya təcrübəsini öyrənmək baxımından çox işlər görmüşük. Artıq Elm və təhsil komitəsi  “Ali təhsil haqqında” qanun layihəsinin öz variantını hazırlayıb.  Daha doğrusu, yay tətili müddətində öz variantımı hazırlamışam. Gözləyirəm ki, İşçi qrupunun üzvləri də fərdi olaraq öz variantlarını versinlər. Onların varinatlarında olan üstünlükləri qəbul edib, onlarla birgə müzakirə edəcəyik. Bu zaman qanun layihəsini zənginləşdirəcəyik. Eyni zamanda, Təhsil Nazirliyinin işçilərindən yeni təkliflər gözləyirəm. Çünki onlar praktik olaraq  işlərin içindədirlər. Sentyabr ayı ərzində ilk versiyamızı İşçi qrupu ilə bir yerdə Elm və təhsil komitəsində müzakirə edəcəyik. İndiki halda bizi qane etsə, Milli Məclisin plenar iclasına tövsiyə edəcəyik. Əgər bizi qane etməsə, əlavə işləmək lazım gəlsə, yenidən məsələyə komitədə baxacağıq”.

 

“Özfəaliyyətə yol vermək olmaz”

Komitə sədri “Ali təhsil haqqında” qanun layihəsindən danışarkən ali məktəblərin dərslik məsələsinə də toxunub:

“Ali məktəblərdə dərsliklər fərqlidir. Dövlət proqramı əsasında hazırlanmır. Ali məktəblərin müvafiq kafedralarında hazırlanır. Fakultələrdə müzakirə olunur, Elmi şuralar qərar verir. Təhsil Nazirliyi indi çox yaxşı bir addım atıb. İndiyə qədər ali məktəblərin kafedralarında hazırlanan, fakültələrdə mütəxəssislər tərəfindən müzakirə olunan, ali məktəblərin elmi şuralarında son dəfə müzakirə olunub qərar verilən  dərsliklər bir daha Təhsil Nazirliyinə göndərilir. Artıq Təhsil Nazirliyi bürokratik maneəni aradan götürüb. Daha çox məsuliyyət ali məkəblərin üzərində qalıb. Ali məktəblərin qəbul etdiyi qərar dərsliklərin çapa getməsi üçün əsasdır. Bürokratik maneəni aradan götürmək, eləcə də ali məktəblərdə dərslik hazırlığına məsuliyyəti  daha da artırmaq üçün bu məsələlərin “Ali təhsil haqqında” qanun layihəsində öz əksini tapmasına çalışacağıq. Ali məktəblər üzrə dərslik hazırlanmasına ciddi ehtiyac var. Bütün ali məktəblərimiz bu barədə düşünməlidir. Özfəaliyyətə yol vermək olmaz. Hesab edirəm ki, ölkənin qabaqcıl ali məktəblərində dərsliklər hazırlansa yaxşı olar”

BU KATEQORİYADAN OLAN DİGƏR XƏBƏRLƏR
+ Arxiv
Çində koronavirusa yoluxanların sayı 83 mini ötdü 31 May 2020, 09:49 Tramp “Böyük yeddilik”in sammitini təxirə saldı 31 May 2020, 09:43 Şərqdə muğam dəstgahlarının ilk ifaçısı - HƏYAT HEKAYƏSİ 31 May 2020, 09:40 Səudiyyə Ərəbistanı da koronavirusa görə Çini geridə qoydu 31 May 2020, 09:38 Deputat may ayı ərzində 700-dən çox seçici problemi dinlədi - FOTO   31 May 2020, 09:33 ABŞ-da qərargahlaşan şəbəkələr barədə ABŞ qərarı…  31 May 2020, 09:26 Rusiyada terrorçular belə məhv edildi - Video 31 May 2020, 09:22 Türkiyədən erməni kilsəsinə hücumla bağlı açıqlama 31 May 2020, 09:18 Avropa Birliyindən Trampa çağırış - Qərarını dəyiş! 31 May 2020, 09:14 Şəki küçələrində gəzən ayı ilə bağlı AÇIQLAMA 31 May 2020, 09:11 Yaddan çıxmış sənətkarlar: “Böyük dayaq”ın Yastı Salmanı - O, Xalq artisti adını niyə ala bilmədi?.. - FOTOLAR 31 May 2020, 09:10 Merkel G7-dən niyə imtina etdi? - Fikir ayrılığı  31 May 2020, 09:09 İrana qarşı yeni sanksiyalar tətbiq olundu 31 May 2020, 09:04 Estoniya karantin tələbi olmadan 22 ölkə ilə sərhədlərini açır 31 May 2020, 08:59 Meksikada koronavirusa yoluxanların sayı 87 min 500-ü keçdi 31 May 2020, 08:58 ABŞ-da aksiyalar zamanı 1400-dək etirazçı saxlanıldı 31 May 2020, 08:53 Xərçəng dərmansız müalicə olunacaq? 31 May 2020, 08:46 Nyu-Yorkda etirazlar zamanı 70-dən çox adam həbs olundu 31 May 2020, 08:45 Milli Məclis iclas çağırdı - Bu gün cərimələrin məbləği dəqiqləşəcək 31 May 2020, 08:43 ABŞ-ın Atlanta şəhərinə 1500 nəfərlik milli qvardiyaçılar göndəriləcək 31 May 2020, 08:40 Məscidlərdə kütləvi ibadətə icazə verildi - İordaniyada 31 May 2020, 08:37 Tovuzda minaatan mərmisi aşkarlandı 31 May 2020, 08:28 ABŞ-ın 25 şəhərində komendant saatı tətbiq olundu 31 May 2020, 08:20 Moskvada COVID-19 qurbanlarının sayı 2 477 nəfərə çatıb 31 May 2020, 00:59 Bu qadağalar iyunun 15-dək qüvvədə qalacaq 31 May 2020, 00:51 Bakıda 21 yaşlı gənc bıçaqlandı 31 May 2020, 00:48 Açıq havada idman yarışları keçirməyə icazə verildi 31 May 2020, 00:38 Dövlət qurumları tam heyətlə fəaliyyətə başlayır 31 May 2020, 00:32 İri ticarət mərkəzləri və "Mall"lar açılır 31 May 2020, 00:17 Restoran, kafe və çay evlərinin iş saatı 22:00-dək UZADILDI 31 May 2020, 00:06 Bu gündən bəzi məhdudiyyətlər ləğv edilir - RƏSMİ 31 May 2020, 00:01 İlin kosmik hadisəsi: “SpaceX” ilk dəfə fəzaya insan göndərdi - VİDEO 30 May 2020, 23:47 Nyu-Yorkda 200-dən artıq etirazçı saxlanılıb 30 May 2020, 23:39 Azərbaycan-İran sərhədində yanğın 30 May 2020, 23:26 Daha 710 “Taliban” üzvü azad edildi 30 May 2020, 23:13