Türkiyə prezidenti Rəcəb Tayyip Ərdoğan ordusunun Suriyada yeni hərbi əməliyyata başladığını elan edib.
Modern.az Türkiyə KİV-nə istinadən xəbər verir ki, Ərdoğan “Fərat qalxanı” və “Zeytun budağı” əməliyyatından sonra başlayan 3-cü hərbi əməliyyata “Sülh çeşməsi” adını verdiklərini vurğulayıb.
“Əməliyyat həm qurudan, həm də havadan aparılacaq”- deyə Türkiyə lideri bildirib. Döyüşlərin Türkiyə-Suriya sərhədində, Fərat çayının şərq sahilində aparılacağı məlumdur.
Türk ordusuna qarşı Suriya kürdlərinin YPG hərbi qruplaşmasının ciddi müqavimət göstərəcəyi gözlənilir.
