Modern.az

Azərbaycanın “Ai-92” markalı benzin aldığı ölkələrin adları AÇIQLANDI

Azərbaycanın “Ai-92” markalı benzin aldığı ölkələrin adları AÇIQLANDI

17 Oktyabr 2019, 09:56

“Bu il planlı təmir işləri 1 ay üçün nəzərdə tutulub və həmin müddət üçün 120 min ton civarında “Ai-92” markalı benzinin idxalı planlaşdırılıb ki, bunun təxminən 45 min tonu artıq Azərbaycana gətirilib”.

Bunu Modern.az-ın sorğusuna cavab olaraq Dövlət Neft Şirkətinin (SOCAR) İctimaiyyətlə əlaqələr və tədbirlərin təşkili idarəsinin rəis müavini İbrahim Əhmədov bildirib.

İ.Əhmədov qeyd edib ki, “Ai-95” əsasən Rusiya və Ruminiyadan idxal olunur:

““Ai-92” benzininin idxalı yalnız planlı təmir müddətində lazım olur və bazarda logistika və qiymət baxımından mövcud olan ən uyğun təkliflər arasında qərar verilir. İdxal edilən bu benzin bu ildə əsasən Rusiya mənşəlidir və 4 min ton civarında olan kiçik bir hissəsi Türkmənistandan idxal olunmaqdadır”.

SOCAR rəsmisinin sözlərinə görə, təmirin 4 noyabr 2019-ci tarixinə qədər mərhələli şəkildə tam yekunlaşması planlaşdırılıb.

Xatırladaq ki, SOCAR-ın Heydər Əliyev adına Bakı Neft Emalı Zavodu (BNEZ) planlaşdırılmış təmir işlərinin aparılması məqsədilə işini dayandırıb.

Youtube
Kanalımıza abunə olmağı unutmayın!
Keçid et
Ukraynadan Rusiyaya ardıcıl zərbələr: Vəziyyət kritikdir