Arxiv
1 Noyabr 2019, 14:23 | DİASPOR
Fuad Muradov: “Nümayəndələr Palatasının qətnaməsinin heç bir hüquqi əsası yoxdur”


"ABŞ Konqresinin Nümayəndələr Palatasında bir neçə gün əvvəl qondarma "erməni soyqırımı"nın tanınmasına dair qəbul olunmuş qətnamənin heç bir hüquqi əsası yoxdur".

Modern.az APA-ya istinadən xəbər verir ki, bunu ABŞ yəhudi təşkilatlarının nümayəndələri ilə görüş zamanı jurnalistlərə açıqlamasında Diasporla iş üzrə Dövlət Komitəsinin sədri Fuad Muradov deyib.

O bildirib ki, ABŞ qanunvericiliyinə görə, bu proses bir neçə mərhələdən keçməlidir: "Həmin gün orda başqa hadisə də baş verib. Bir neçə ermənipərəst konqresmen tərəfindən qondarma "Dağlıq Qarabağ Respublikasının xarici işlər naziri" Mais Mailyan ora dəvət olunub. Həmin binada demokratiya və Qarabağda olan vəziyyətlə bağlı müzakirələr aparılıb. Belə görüşlərin keçirilməsi heç də ABŞ-ın rəsmi mövqeyi deyil. Bu görüşlər daha çox müxtəlif bəhanələrlə ələ alınmış bəzi siyasi dairələrin təşəbbüsü ilə baş tutur. Buna xüsusi əhəmiyyət verməyə ehtiyac yoxdur. Bununla belə, bizim xaricdə yaşayan icmamız, vətənpərvər insanlar həmin gün binanın qarşısında piket keçiriblər. Orada Azərbaycan həqiqətlərini, Qarabağın işğal olunması faktını, ermənilər tərəfindən hər gün atəşkəsin pozulmasını, eyni zamanda dinc sakinlərin öldürülməsini, Dilqəm Əsgərov və Şahbaz Quliyevin bu günə qədər girov saxlanmasını və digər məsələləri çatdırıblar".

F.Muradov qeyd edib ki, həmin gün özünü demokratik müxalifət adlandıran nümayəndə heyəti də Vaşinqtonda olub: "Xüsusən Cəmil Həsənli, həmçinin, onun ətrafındakılar, guya Azərbaycana, Dağlıq Qarabağa görə narahat olanlar, özlərini vətənpərvər hesab edən qüvvələr Azərbaycan icmasına dəstək verməyiblər. Bundan əlavə, onlar Vaşinqtonda keçirdikləri mətbuat konfransında Azərbaycan həqiqətləri, Dağlıq Qarabağın işğalı barədə bir kəlmə belə danışmayıblar. Əslində, yaxşı fürsət idi. Bu insanlar özlərini demokratik qüvvə, xalqın təəssübkeşləri elan ediblərsə, özlərini orda göstərə bilərdilər. Bunu etmədilər. Təbii ki, Azərbaycan xalqı bunu gördü. Bu, artıq nə siyasətə, nə əxlaqa sığan məsələdir. Azərbaycanın əleyhinə müxtəlif tədbirlər keçirənlər nəyə görə Azərbaycan torpaqlarının işğal olunması faktını dünyaya çatdırmır, bizə qarşı müxtəlif aksiyalar keçirilən erməni lobbisinə cavab vermirlər? Ona görə ki, havadarlar və mərkəz bəllidir. Mən xaricdəki icmalarımıza təşəkkür etmək istəyirəm. Dünyanın hər yerində Azərbaycanı həqiqətən istəyən icmalar bu tədbirləri, Azərbaycan reallıqlarını daim gündəmdə saxlayır. Bizim icma belə bir tədbir barədə məlumat alan kimi, dərhal səfərbər olub, həmin binanın qarşısına gedərək etirazını bildirib".

Qondarma "erməni soyqırımı" haqqında sənədin qəbulu və bunun nəticələri ilə bağlı isə F. Muradov bunun ermənilərin uzun müddətdir sürən siyasəti olduğunu deyib: "Azərbaycanın regionda nüfuzunu, müxtəlif ölkələrlə əməkdaşlığını bilirlər. O cümlədən, bu gün Türkiyənin həyata keçirdiyi antiterror əməliyyatlarından da xəbərdardırlar. Türkiyə regionda artıq söz sahibinə çevrilib. Ona görə də bunu həm Azərbaycan, həm Türkiyəyə qarşı atılan xüsusi addım kimi qiymətləndirə bilərik. Biz Diaspor Komitəsi olaraq hər zaman xaricdə yaşayan həm türk, həm də Azərbaycan icmasının bu istiqamətdə həyata keçirilən tədbirlərini dəstəkləyirik. İnanıram ki, bizim vətənpərvər insanlarımız hər zaman belə provokativ tədbirlərə öz cavabını verəcək".

F.Muradov qeyd edib ki, bu prosesdə hər bir azərbaycanlı və türk mütləq şəkildə öz mövqeyini bildirməlidir: "Azərbaycan Prezidentinin siyasəti ondan ibarətdir ki, bütün beynəlxalq tədbirlərdə hər bir fürsətdən istifadə edərək Dağlıq Qarabağ həqiqətlərini çatdıraq. Dağlıq Qarabağla bağlı bütün məsələlərdə Azərbaycan diasporu yaxından iştirak edir. Bu, böyük çoxluqdur. Bəzi kiçik qruplar var ki, azərbaycanlı olsa da, öz hərəkətləri ilə bunu göstərmir. Bu baxımdan inanıram ki, hər iki icma gələcək planlarını daha da mükəmməl şəkildə quraraq bu çirkin təbliğata qarşı öz sözünü deyəcək".

Qeyd edək ki, oktyabrın 29-da ABŞ Konqresinin Nümayəndələr Palatasının saxta "erməni soyqırımı"nın tanınması ilə bağlı qətnamə qəbul edilib.

BU KATEQORİYADAN OLAN DİGƏR XƏBƏRLƏR
+ Arxiv
Onun qurduğu xəyal gerçəkləşdi 15 Noyabr 2019, 00:37 Pentaqondan F-35-lə bağlı gözlənilməz rəy 15 Noyabr 2019, 00:21 Azərbaycanlı jurnalist ermənilərlə bir arada 15 Noyabr 2019, 00:03 Azərbaycan neftinin qiyməti dəyişdi 14 Noyabr 2019, 23:47 II Bakı Sammitinin iştirakçılarının şərəfinə ziyafət verildi - FOTOLAR 14 Noyabr 2019, 23:30 Türkiyə millisi AVRO-2020-yə vəsiqə qazandı 14 Noyabr 2019, 23:14 Parlamentin binası qarşısında çadırlar qurulur 14 Noyabr 2019, 22:59 Bakıda ata və oğlu bıçaqlandı 14 Noyabr 2019, 22:46 İndoneziyada 7,2 bal gücündə zəlzələ oldu 14 Noyabr 2019, 22:28 3552 məhbus əfv edildi 14 Noyabr 2019, 22:13 Xarici İşlər Nazirliyi azərbaycanlıların Almaniyada həbsi barədə... 14 Noyabr 2019, 21:53 Məktəbdə silahlı insident 14 Noyabr 2019, 21:41 Azərbaycan Kolumbiya əlaqələri müzakirə edilib 14 Noyabr 2019, 21:24 Almaniyada azərbaycanlı mühacirə aid restoranda axtarış 14 Noyabr 2019, 21:09 "Qardaşım çirkin oyunun iştirakçısı deyil" - Şahbaz Xuduoğlu 14 Noyabr 2019, 20:54 Almaniyadan 11 Azərbaycan vətəndaşı deportasiya edildi - SİYAHI 14 Noyabr 2019, 20:43 Qanunu kobud pozan 4 hakimə töhmət verilib 14 Noyabr 2019, 20:30 "Mühacir alveri ilə bağlı həbs edilməmişəm" - Sabiq ədliyyə işçisi 14 Noyabr 2019, 20:17 Azərbaycan millisi Lixtenşteynə qalib gəldi 14 Noyabr 2019, 20:03 Ərdoğan Trampdan razı qalıb: “Bu dəfə onun daha müsbət və konstruktiv olduğunu gördüm” 14 Noyabr 2019, 19:58 Deputatlarımız Belarusdakı parlament seçkilərni izləyəcəklər 14 Noyabr 2019, 19:48 2 minə yaxın abonent qazsız qaldı 14 Noyabr 2019, 19:43 Gəncədə ağır yol qəzası: 1 ölü, 3 yaralı - FOTO 14 Noyabr 2019, 19:34 Bahalı müğənnilər dövlətə nə qədər vergi ödəyirlər?  - SORĞU 14 Noyabr 2019, 19:19 Xameneyidən gözlənilməz addım - dövlətə qarşı çıxanları ƏFV etdi 14 Noyabr 2019, 18:54 “Azərbaycan və İranı ortaq tarixi-mədəni keçmiş və din bir-birinə sıx bağlayır” - Əbülfəs Qarayev 14 Noyabr 2019, 18:41 İsrail səfiri Azərbaycandan gedir 14 Noyabr 2019, 18:33 Azercell-in dəstəyi ilə beşinci Uşaq Paralimpiya Oyunları keçirilib 14 Noyabr 2019, 18:25 İcra başçısı məktəblilərlə görüşdü 14 Noyabr 2019, 18:19 Serj Sarkisyanın kürəkəni Paşinyanı devirmək üçün 7 üsul TƏKLİF ETDİ 14 Noyabr 2019, 18:08 Gecikmiş sevgi etirafi 14 Noyabr 2019, 18:07 İlham Əliyev: “Söz sağalda bilər, söz yaralaya bilər, söz öldürə bilər” 14 Noyabr 2019, 17:56 Bakcell Azərbaycanda ən sürətli mobil internet təqdim edir - FOTO   14 Noyabr 2019, 17:54 Azərbaycanlı jurnalistlərdən erməni jurnalistlərin Bakıya gəlişinə REAKSİYA 14 Noyabr 2019, 17:46 Cəbhə bölgəsində məktəblilər üçün təlimlər keçiriləcək - FOTO 14 Noyabr 2019, 17:46