Futbol üzrə Azərbaycan Premyer Liqasında XI turun daha bir oyunu keçirilib.
Modern.az xəbər verir ki, "ASCO Arena"da "Keşlə" "Neftçi"ni qəbul edib.
Oyunda hesabı 45+1-ci dəqiqədə "Neftçi"nin oyunçusu Donald Gerye açıb.
73-cü dəqiqədə Franko Flores cərimə zərbəsindən sonra Səlahət Ağayevin səhvindən yararlanaraq bərabərlik qolunu vurub. 82-ci dəqiqədə isə Sezar Meza Kolli cərimə zərbəsini dəqiq yerinə yetirib.
Oyun "Keşlə"nin 2:1 hesablı üstünlüyü ilə yekunlaşıb.
Bu qələbədən sonra xallarını 19-a çatdıran "Keşlə" 2-ci pilləyə yüksəlib. 18 xala malik "Neftçi" isə 3-cü pilləyə enib.