Modern.az

Bakıya qayıdan iki nəfərdə yüksək temperatur: Klinikaya göndərdilər

Bakıya qayıdan iki nəfərdə yüksək temperatur: Klinikaya göndərdilər

16 Fevral 2020, 13:11

Dünən Türkiyənin paytaxtı Ankaradan Bakıya gəlmiş altı Azərbaycan vətəndaşından ikisində yüksək temperatur aşkarlanıb.

 

Modern.az-ın Report-a istinadən məlumatına görə, Heydər Əliyev Beynəlxalq Hava Limanında yüksək temperatur aşkarlanan Azərbaycan vətəndaşları 1 saylı Kliniki Tibbi Mərkəzə göndəriliblər.

 

Hazırda onlar klinikadadırlar və həkim tərəfindən müayinə edilirlər. Onlar karantin bitənədək həkim nəzarəti altında olacaqlar.

 

Qeyd edək ki, ötən gün Türkiyənin səhiyyə naziri Fəxrəddin Qoca Uhandan təxliyə olunmuş şəxslərin karantin müddətinin başa çatdığını, onların heç birində koronavirusun aşkarlanmadığını açıqlayıb.

 

Xatırladaq ki, fevralın 1-də koronavirusun yayılma ocağı olan Çinin Uhan şəhərindən Türkiyə ordusuna məxsus təyyarə ilə həmin ölkə vətəndaşları ilə yanaşı, əksəriyyəti tələbələr olan altı Azərbaycan vətəndaşı da təxliyə edilib.

Instagram
Gündəmdən xəbəriniz olsun!
Keçid et
Əskipara kəndinə getmək istəyən jurnalistlər belə saxlanıldı