“Azərbaycan Respublikasının ali təhsil müəssisələrinə tələbə qəbulu Qaydaları”nda dəyişiklik edilib.
Nazirlər Kabinetindən Modern.az-a verilən məlumata görə, bununla bağlı Baş nazir Əli Əsədov qərar imzalayıb.
Məlumata görə, dəyişiklik Dövlət İmtahan Mərkəzinin təklifinə əsasən qərara alınıb.
Qərara əsasən, qəbul imtahanını rus dilində verən abituriyentlərin Azərbaycan dili (dövlət dili kimi) fənnindən ayrıca imtahan vermələri üçün imtahan müddətinin vaxtı 1 saat 30 dəqiqəyədək artırılıb.
Qeyd edək ki, bundan əvvəl həmin imtahanın davametmə müddəti 45 dəqiqə idi.
