Arxiv
28 Fevral 2020, 09:54 | DİASPOR
Diaspor Gənclərinin Yay Düşərgəsi: İdeoloji zənginlik, Birlik, Qarabağ...  

2018-ci ilin yayından etibarən Diasporla İş üzrə Dövlət Komitəsinin təşkilatçılığı ilə xaricdə yaşayan azərbaycanlı gənclərin Yay Düşərgəsi keçirilir.

 

İlk baxışdan bu aksiya sadə görünsə də, dünyanın ayrı-ayrı ölkəsində yaşayan gənc soydaşlarımızın ideoloji cəhətdən zənginləşmələri üçün əvəzsiz xidmətdir.

 

2018-ci ilin avqustunda keçirilən Diaspor Gənclərinin I Yay Düşərgəsi Azərbaycan Xalq Cümhuriyyətinin (AXC) yaradılmasının 100 illiyinə həsr olunmuşdu.

 

Ötən il isə iyul ayında Şamaxıda növbəti Yay Düşərgəsi təşkil edildi. Diaspor Gənclərinin II Yay Düşərgəsi isə “Nəsimi ili″ münasibətilə keçirildi.

 

 

 

Diaspor könül işi – KÖNÜLLÜLÜK

 

Bu il iyulun 12-dən 19-na qədər isə Qusarda Diaspor Gənclərinin III Yay Düşərgəsi keçiriləcək.

Modern.az xəbər verir ki, düşərgənin təşkilində məqsəd dünyanın müxtəlif ölkələrində yaşayan azərbaycanlı və Azərbaycana dost münasibəti bəsləyən xalqların gənc nümayəndələrini vahid platforma ətrafında bir araya gətirmək və Azərbaycanla daha yaxından tanış etməkdir.

Budəfəki düşərgə Prezident İlham Əliyevin müvafiq Sərəncamına əsasən 2020-ci ilin “Könüllülər ili” elan edilməsinə həsr olunub.

 

Düşərgədə 18-29 yaş arası, Azərbaycan dilində ünsiyyət bacarığı olan şəxslər iştirak edə bilərlər. Amma I və II Yay Düşərgələrində iştirak edən gənclər təkrar müraciət edə bilməzlər.

 

Bu cür düşərgələrdə iştirak həm də bizim azərbaycançılıq ideologiyamızı daha da möhkəmləndirir...

 

 

Latviyada yaşayan həmyerlimiz Asif İbrahimov Modern.az-a diaspora gənclərinin yay düşərgəsinin əhəmiyyətindən danışıb.

 

A.İbrahimov hesab edir ki, dünyanın müxtəlif ölkələrində yaşayan azərbaycanlıların biri-biri ilə münasibət yaratmaları üçün bu proqram çox əlverişlidir:

 

“Ötən il Şamaxıda keçirilən yay düşərgəsində iştirak etmişəm. Tədbir bitdikdən sonra da çox müsbət təəssüratlarla yaddaşımda qalıb. Bu layihə Azərbaycan gənclərinin biri-birini tanıması, birgə fəaliyyətin düzgün qurulması, biri-birinə dəstək göstərmək baxımından əlverişlidir.

 

Çünki həqiqətən da biz diaspor gəncləri biri-birimizi tanımalı, dəstək göstərməliyik. Dünyanın hansı ölkəsində yaşamağının fərqi yoxdur, diaspora fəaliyyəti ilə məşğul olan gənclər biri-birlərinə hər zaman kömək göstərməlidirlər”.

 

Asif İbrahimov diqqətə çatdırıb ki, Azərbaycana çox az hallarda gedib-gələn, hətta azərbaycanlı olsa da heç vaxt ölkəmizdə olmayan gənc həmvətənlərimiz var:

 

“Onların gənclər düşərgəsinə qatılması, Azərbaycan, Qarabağ həqiqətləri ilə bağlı daha çox və dəqiq  məlumat əldə etmələrinə şərait yaradır. Bizə də bu barədə geniş məlumatlar verildi, şəhid ailələri ilə şəxsən görüşdük. Onlarla söhbətlərimizdə müharibə şəraitində yaşamağın çətinliyindən, torpaqlarımız uğrunda mübarizədən danışdıq.

 

Hər zaman siyasi tribunadan izlədiyimiz Ermənistan-Azərbaycan, Dağlıq Qarabağ münaqişəsinin bir də həyatda həqiqi nəticələrini dərk etməyimizə öyrəndiklərimiz kömək oldu”. 

 

Diaspor Gənclərinin yay düşərgəsinin çox yaxşı proqram olduğunu bir daha vurğulayan həmyerlimiz layihənin davam etdirilməsini, uzunmüddətli olmasını arzu edir:

 

“Bu cür düşərgələrdə iştirak həm də bizim azərbaycançılıq ideologiyamızı daha da möhkəmləndirir.  Qeyd etdiyim kimi müxtəlif ölkələrdə yaşayan azərbaycanlıların milli-mənəvi dəyərlərimizə bağlılığını artırır. Biz fəxr edirik ki, Azərbaycanlıyıq və belə güclü dövlətimiz var”.

 

Gənclərimizin biri-biri ilə a yaxından tanış olması, Qarabağ  üçün əvəzsiz LAYİHƏ

 

 

Yay Düşərgəsinə Polşadan qatılan Lalə Zeynalova isə qeyd edib ki, düşərgənin təşkilində başlıca məqsəd, dünyanın müxtəlif ölkələrində yaşayan Azərbaycana dost münasibəti bəsləyən xalqların gənc nümayəndələrini vahid platforma ətrafında bir araya gətirməkdir:

 

“Bu gənclərin Azərbaycanla daha yaxından tanış edilməsi, Qarabağ həqiqətlərini öyrənmələrinə yardım etməsi diasporun nail olduğu hədəfdir. Bu təşəbbüs, yəni Diaspor Gənclərinin Yay Düşərgəsi Diasporlarla İş üzrə Dövlət Komitəsinə məxsus olmaqla dövlətimiz adına müsbət layihə kimi dəyərləndirilməlidir.

 

Bundan öncə də yay düşərgələri olub və uğurla nəticələnib. Əsas hədəflər isə odur ki, bu layihə ildən ilə daha çox ölkəni əhatə etsin”

 

L.Zeynalova hesab edir ki, gənclərin bu istiqamətdə fəaliyyəti çox faydalı sayıla bilər:

 

"Çünki burada əhəmiyyətli fəaliyyət onlara böyük təcrübə qazandırır. Nəticədə isə həmin gənclərin dünyagörüşü və intellektual imkanları daha da genişlənir. Onların vətənə bağlılığı daha da gücləndikcə, Azərbaycan lobbiçilik fəaliyyəti də geniş vüsət alacaq.

 

Əsas üstünlüklərdən biri də odur ki, həmin gənclər Azərbaycan reallıqlarını, xüsusilə Qarabağ mövzusunda həqiqətləri beynəlxalq aləmdə lazımınca təbliğ etməklə geniş auditoriyalarda tanınma imkanına malik olacaqlar. Bundan başqa müxtəlif xalqların nümayəndələri ilə dostluq əlaqələrini gücləndirmək fürsəti də əldə edə bilərlər”.

 

Həmyerlimizin sözlərinə görə, bu təşəbbüsün digər əsas prioritetlərindən biri də odur ki, gənclərin bu fəaliyyəti, Azərbaycan həqiqətlərinin dünya ictimaiyyətinə daha dolğun çatdırılmasına, ölkəmizin tarixi, mədəni irsi və adət-ənənələrinin davamlı təbliğinə, gənclərimizin sıx əməkdaşlıq şəraitində əlaqəli fəaliyyətinə, müxtəlif layihələr icra etməklə diaspor fəaliyyətinin inkişafına, xaricdəki soydaşlarımızın yaşadıqları ölkələrin cəmiyyətlərinə inteqrasiyasının gücləndirilməsinə yönəlib.

 

Daha sonra xaricdə media orqanı təsis etmək imkanları, diaspor gənclərinin şəbəkələşməsində yeni medianın rolu, müasir müzakirə platformalarının yaradılması kimi məsələlərdə gənclərimizin uğurları ölkəmiz üçün ən böyük üstünlüklər sırasına aid edilə bilər.

 

Beləliklə, bir sıra strateji sahələrdə həll olunması müşkülə çevrilən məsələlərin öz həllini tapmasına da şərait yaradılmış olur”.

BU KATEQORİYADAN OLAN DİGƏR XƏBƏRLƏR
+ Arxiv
8 yaşlı uşaq koronavirusdan sonra iflic qaldı 19 Sentyabr 2021, 18:15 İlk kosmos turistləri Yerə qayıtdı - VİDEO 19 Sentyabr 2021, 18:02 İran ayətullahı Azərbaycanı hədələyib 19 Sentyabr 2021, 17:53 Çempionlar liqası: "Araz Naxçıvan"ın oyunlarının vaxtı açıqlandı 19 Sentyabr 2021, 17:48 Türkiyə millisinin yeni baş məşqçisi açıqlandı 19 Sentyabr 2021, 17:46 Məşhur futbolçu öldü 19 Sentyabr 2021, 17:39 Lənkəranda piyadalara yol verməyən sürücülər cərimələndi 19 Sentyabr 2021, 17:24 Yaponiya silkələndi 19 Sentyabr 2021, 17:02 Ötən gün peyvənd olunanların sayı - STATİSTİKA 19 Sentyabr 2021, 16:50 Azərbaycanda yoluxanların sayı açıqlandı 19 Sentyabr 2021, 16:38 Somalidə hava limanı partladıldı 19 Sentyabr 2021, 16:25 Şəhid övladı Şuşada ad gününü qeyd etdi 19 Sentyabr 2021, 16:11 ABŞ-da qızılın qiyməti rekord vurdu 19 Sentyabr 2021, 16:01 İrandan Zəngəzurda həbs olunan sürücülərlə bağlı AÇIQLAMA 19 Sentyabr 2021, 15:49 Türk ordusu daha 10 terrorçunu məhv etdi 19 Sentyabr 2021, 15:39 Baydendən Makrona söhbət təklifi 19 Sentyabr 2021, 15:26 Rusiyada parlament seçkilərinin seçici statistikası 19 Sentyabr 2021, 15:15 Dövlət qulluğuna qəbul üçün test imtahanı başa çatdı 19 Sentyabr 2021, 15:07 Tennisçimiz beynəlxalq turnirin qalibi oldu 19 Sentyabr 2021, 14:51 Ərdoğan Zəngəzur dəhlizindən danışdı: "...Çətinlik aradan qalxacaq" 19 Sentyabr 2021, 14:38 Ərdoğan Paşinyanın görüş istəyinə belə CAVAB VERDİ 19 Sentyabr 2021, 14:24 Misirdə fironlara aid ayin alətləri tapıldı 19 Sentyabr 2021, 14:21 Deputatdan işğaldan azad olunmuş ərazilərdə abidə TƏKLİFİ 19 Sentyabr 2021, 13:59 Çempionlar Liqasında yer almayan ən bahalı futbolçular - SİYAHI 19 Sentyabr 2021, 13:45 ABŞ-ın baş infeksionisti pandemiyanın bitəcəyi tarixdən danışdı 19 Sentyabr 2021, 13:34 Berlində Almaniya azərbaycanlıları ilə görüş olub 19 Sentyabr 2021, 13:25 Qanunsuz sərnişin daşıyanlar cərimələndi - FOTOLAR 19 Sentyabr 2021, 13:25 Samux sakini yıxılaraq öldü 19 Sentyabr 2021, 13:15 Gorus-Qafan yolunda iki erməni İTİB 19 Sentyabr 2021, 13:12 Deputat şəhid ailələrini ziyarət etdi - FOTOLAR 19 Sentyabr 2021, 13:05 “Mossad” iranlı nüvə alimini robot-pulemyotla güllələyib 19 Sentyabr 2021, 12:59 Koronavirusa yoluxan cərrah reanimasiyaya yerləşdirildi 19 Sentyabr 2021, 12:51 Hindistanda koronavirusdan ölüm sayı yarım milyona çatdı 19 Sentyabr 2021, 12:49 Qaradağda gənc oğlan bıçaqlandı 19 Sentyabr 2021, 12:37 Paşinyanı ələ saldılar: “Ermənistanın selfi çempionu”... 19 Sentyabr 2021, 12:35
SORĞU Hansı vaksinə etibar edirsiniz?