Tibbi Ərazi Bölmələrini İdarəetmə Birliyi (TƏBİB) Azərbaycanda koronavirusla bağlı mayın 30-na olan statistik göstəriciləri açıqlayıb.
TƏBİB-dən Modern.az-a verilən məlumata görə, bu gün ərzində Azərbaycanda koronavirusla bağlı 4 661 test edildiyi bildirilib.
Ölkə ərazisində indiyə qədər 294 264 test aparılıb.
Azərbaycanda daha 257 nəfərdə koronavirus aşkarlanıb, 3 nəfər vəfat edib. Ümumilikdə ölkədə koronavirusa yoluxanların sayı 5 246, vəfat edənlərin sayı 61, sağalanların sayı 3 327-dir.
Qeyd edək ki, hazırda 1 858 aktiv koronavirus xəstəsinin 82-si reanimasiyadadır, 15 nəfər süni tənəffüs aparatına qoşulub.