Arxiv
8 İyul 2020, 17:24 | AKTUAL
“Yüksəliş” müsabiqəsi pandemiya şəraitində işini necə davam etdirir?  

 “Yüksəliş” müsabiqəsi Prezident İlham Əliyevin 26 iyul 2019-cu ildə imzaladığı sərəncamla intellektual səviyyəsi və idarəçilik keyfiyyətləri yüksək olan perspektiv rəhbər şəxslərin müəyyən edilməsini, dəstəklənməsini və ölkədə kadr ehtiyatı bankının  yaradılmasını təmin etmək məqsədilə təsis olunub.

 

Müsabiqənin Təşkilat Komitəsinin yaradılması və İşçi qrupunun müəyyən edilməsi prosesi bitdikdən sonra 2019-cu il dekabrın 27-də müsabiqənin qeydiyyat mərhələsinə başlanılıb və bu proses 2 fevral 2020-ci ildə yekunlaşıb.

 

Qeydiyyat mərhələsi çərçivəsində əhalini müsabiqə barədə məlumatlandırmaq, bölgələrdəki şəxslərin qeydiyyatdan keçmələrinə dəstək olmaq məqsədilə 21-31 yanvar tarixlərində “Yüksəliş”in səyyar qeydiyyat avtobusları bölgələrə səfər edib. Ümumilikdə 11760 nəfər qeydiyyat üçün müraciət edib və onlardan 9775 nəfər müsabiqəyə qəbul edilib.

 

Qeydiyyat mərhələsi bitdikdən sonra müsabiqənin ilk mərhələsi olan onlayn seçim başlayıb.

 

Müsabiqənin onlayn mərhələsində ümumi biliklər və qabiliyyət imtahanı olmaq üzrə 2 fərqli imtahan təşkil edilib. Fevralın 16-da keçirilən ümumi biliklər üzrə imtahanda 7701 nəfər iştirak edib.

 

Onlayn mərhələnin qabiliyyət imtahanı isə martın 1-də keçirilib. İmtahanda 7059 namizəd iştirak edib. Bu imtahanda iştirakçılar abstrakt və məntiqi düşüncənin, rəqəmsal və verbal məlumatlarla işləmək bacarığının yoxlanılması üzrə olmaqla 3 bölmədə sualları cavablandırıb. Beləliklə, 976 nəfər əyani mərhələyə keçib.

 

Hazırda əyani mərhələnin videomüsahibə turu yekunlaşıb. Əyani mərhələyə buraxılan 976 iştirakçıdan 940-ı bu turu uğurla başa vurub.

 

Qeyd edək ki, iştirakçılar videomüsahibədə 3 suala (Bu müsabiqədə iştirak etməkdə məqsədiniz nədir? Əsas peşəkar nailiyyətiniz? Sizi digərlərindən önə çıxaran və yaxşı lider ola biləcəyinizə təminat verən xüsusiyyətləriniz hansılardır?) video şəklində cavab veriblər.

 

Mövcud pandemiya şəraiti “Yüksəliş” müsabiqəsinin gedişatına da təsir edib. Belə ki, Təşkilat Komitəsi tərəfindən müəyyən olunmuş qaydalara əsasən, əyani mərhələnin növbəti turu olan əsas imtahana 940  namizəd  eyni vaxtda, eyni məkanda qatılmalı idi. Təbii ki,  müsabiqənin İşçi qrupu karantin rejiminin tələblərinə uyğun addım ataraq, imtahanı təxirə saldı. Əyani mərhələnin əsas məqsədlərindən biri həm də iştirakçılarla yaxından tanış olmaqdır.  Ona görə də İşçi qrupu bu mərhələni onlayn platformada təşkil etməyi hələlik nəzərdə tutmur. Növbəti imtahan və mərhələlərin həyata keçirilməsi ölkədəki cari vəziyyətə uyğun tənzimlənəcək və hazırda bu istiqamətdə müzakirələr aparılır. Müsabiqənin növbəti mərhələləri ilə bağlı yeni atılacaq addımlar müəyyən olunduğu halda,  hər bir iştirakçıya məlumat veriləcək. Əyani mərhələ yekunlaşdıqdan sonra müsabiqənin yarımfinal və final mərhələləri keçiriləcək.

 

Çətinliklərə baxmayaraq, müsabiqənin İşçi Qrupu davamlı olaraq işləyir, fərdi inkişaf istiqamətində onlara kömək edəcək tədbirlər həyata keçirir. Belə ki, bu müddətdə müsabiqənin İşçi qrupu tərəfindən iştirakçılar üçün ölkənin tanınmış ictimaiyyət adamları, idarəçi mütəxəssislərin iştirakı ilə mütəmadi vebinarlar təşkil olunur. Bununla yanaşı, müsabiqənin 1820 “Çağrı mərkəzi”, elektron poçt, sosial şəbəkələrdə rəsmi səhifələri (Facebook; yukselishmusabiqesi, Instagram; yukselishmusabiqesi, Twitter; yukselish_az) və iştirakçıların şəxsi elektron kabinetləri  üzərindən onların müraciətləri daim diqqətdə saxlanılır və operativ cavablandırılır.

 

Əlbəttə ki, müsabiqənin də prioritetlərindən biri intellektual səviyyəsi və idarəçilik keyfiyyətləri yüksək olan perspektiv rəhbər şəxsləri müəyyənləşdirib, qalibləri ictimaiyyətə təqdim etməkdir. Təşkilat Komitəsi tərəfindən tərtib edilən sistem də məhz potensial kadrların üzə çıxarılmasına fokuslanmaqla yanaşı, kadr ehtiyatı bankının qurulması  kimi öhdəlikləri özündə ehtiva edir.

 

“Yüksəliş” müsabiqəsi əlavə imkan və yeni platforma deməkdir. İdarəçi Rəhbərlərin qaliblərlə birbaşa işləməsi məhz bu əlavə şanslardan biridir, həmçinin qaliblər üçün fərqli işgüzar mühitdə təkmilləşmə imkanı yaradır. İntellekti, idarəçilik keyfiyyətləri ilə fərqlənən şəxslər bəzən obyektiv və subyektiv səbəblərdən proseslərdən kənarda qalırlar. “Yüksəliş”in hədəf auditoriyası həm də bu şəxslərdir.  Müsabiqə çərçivəsində müəyyənləşdirilmiş şəffaf mexanizmlər insanların özlərini hansı səviyyədə, nə dərəcədə nümayiş etdirdiyini dəyərləndirəcək və ölkənin kadr bankına düşməsinə şərait yaradacaq.

BU KATEQORİYADAN OLAN DİGƏR XƏBƏRLƏR
+ Arxiv
Yeyib-içmək məclisinin fotolarını sosial şəbəkədə paylaşanlar cərimələndi 13 Avqust 2020, 10:50 “Lotu Quli”nin adamları həbs olundu - FOTO 13 Avqust 2020, 10:44 Gürcüstanda deputatlığa namizəd azərbaycanlılar... 13 Avqust 2020, 10:41 Sumqayıtda ağac kəsən şəxs cəzalandırıldı 13 Avqust 2020, 10:36 TAP-ın tikintisinin 97 faizi başa çatıb 13 Avqust 2020, 10:31 Rusiya Ali İqtisadiyyat Məktəbi UNEC müəllimləri üçün ixtisasartırma təlimləri təşkil edib 13 Avqust 2020, 10:25 Sürücülərin nəzərinə - Bu yolda xətlənmə işləri aparılacaq   13 Avqust 2020, 10:20 Bakı üzrə yüksək bal toplayan məzunlar - FOTOLAR 13 Avqust 2020, 10:15 Təhsil naziri Rusiya səfiri ilə görüşüb 13 Avqust 2020, 10:09 Goranboyda kafe sahibi və müştərilər cərimələndi 13 Avqust 2020, 10:03 “Rusiyanın Talibanla əməkdaşlığının nəticəsi ağır olacaq” 13 Avqust 2020, 09:58 Gəncədə Comərd Qəssab türbəsinin ətrafında abalıq işləri aparılacaq 13 Avqust 2020, 09:55 Azərbaycanda zəlzələ olub 13 Avqust 2020, 09:50 Deputat: “Sabitlik dövlətimiz və xalqımız üçün gərəklidir” 13 Avqust 2020, 09:44 Ermənilər yenidən Tovuzun kəndlərini atəşə tutdular 13 Avqust 2020, 09:38 Türkiyənin Milli Müdafiə naziri və Baş Qərargah rəisi Azərbaycanda - FOTO 13 Avqust 2020, 09:32 Dollar günə bu məzənnə ilə BAŞLADI 13 Avqust 2020, 09:26 Azərbaycan və Rusiya prezidentləri Tovuz döyüşlərini müzakirə etdi 13 Avqust 2020, 09:20 Neft yenidən ucuzlaşdı 13 Avqust 2020, 09:15 “Fənərbaxça” “Qarabağ”ın sabiq qapçısı ilə razılığa gəldi 13 Avqust 2020, 09:10 Nazir koronavirusa yoluxub 13 Avqust 2020, 09:04 Bakıda sərnişin avtobusu yandı 13 Avqust 2020, 09:00 Çempionlar Liqası: PSJ növbəti mərhələyə keçdi 13 Avqust 2020, 08:50 Bu gün ilk qəbul imtahanı keçirilir 13 Avqust 2020, 08:25 Paytaxtda koronavirus qurbanlarının sayı artdı 13 Avqust 2020, 01:04 Oyunçusu koronanaya yoluxan kluba texniki məğlubiyyət verildi 13 Avqust 2020, 00:47 Prezident ölkəyə dəyən zərəri açıqladı 13 Avqust 2020, 00:34 3 PKK terrorçusu zərərsizləşdirildi 13 Avqust 2020, 00:22 Prezidentin köməkçisi koronavirusa yoluxdu 13 Avqust 2020, 00:08 Türkiyədə daha 18  nəfər koronavirusdan ölüb 12 Avqust 2020, 23:48 Elmi müəssisələrin akkreditasiyası qaydası dəyişdi 12 Avqust 2020, 23:35 Batma təhlükəsi ilə üzləşən şəxs xilas edildi 12 Avqust 2020, 23:21 Hulusi Akar Bakıda belə qarşılandı - FOTOLAR 12 Avqust 2020, 23:06 Hökumət 1454 otelin fəaliyyətinə icazə verdi 12 Avqust 2020, 22:53 Reanimasiyadakı COVİD-19 xəstələrinin sayı AZALDI 12 Avqust 2020, 22:40