Modern.az

OPEC+ hasilatla bağlı razılaşa bilmədi

OPEC+ hasilatla bağlı razılaşa bilmədi

3 Mart 2021, 20:39

OPEС+ Monitorinq Komitəsinin nazirlər səviyyəsində növbəti iclasında aprel ayında neft hasilatının həcminə dair hökumətlərə hər hansı tövsiyələr qəbul olunmayıb.

 

Modern.az TASS-a istinadən xəbər verir ki, OPEC-dəki mənbələrin dediyinə görə, yekdil qərarın verilmədiyi iclasda Səudiyyə Ərəbistanının energetika naziri şahzadə Əbdüləziz bin Salman öz təklifini martın 4-də keçiriləcək nazirlərin görüşü zamanı açıqlaya biləcəyini bildirib.

 

Qeyd edək ki, martın 4-də OPEC+ formatının iştirakçısı olan 23 ölkənin nazirləri arasında keçiriləcək görüş zamanı aprel ayında neft hasilatının həcminə dair qərarların veriləcəyi gözlənilir. Bu cür qərarlar adətən 8 ölkənin nümayəndələrinin təmsil olunduğu Monitorinq Komitəsinin tövsiyələri əsasında çıxarılsa da, nazirlər arasında ziddiyyətlər yarandığı zaman həmin qərar ümumi görüşdə aparılan danışıqlarda verilir.

Whatsapp
Bizə yazın!
Keçid et
Paşinyan Qazaxa gəldi - Ermənilər üzərinə hücum çəkdi