Modern.az

Ermənistan parlamenti buraxıldı - yeni seçkilər elan olundu

Ermənistan parlamenti buraxıldı - yeni seçkilər elan olundu

10 May 2021, 22:30

Ermənistan Prezidenti Armen Sarkisyan ölkədə növbədənkənar parlament seçkilərinin keçirilməsi ilə bağlı sərəncam imzalayıb.

 

Modern.az "news.am"a istinadla xəbər verir ki, sərəncama əsasən, Ermənistanda növbədənkənar parlament seçkiləri 2021-ci il iyunun 20-nə təyin olunub.

 

Qeyd edək ki, bu gün Ermənistan parlamentinin deputatları xüsusi iclasda ölkədə növbədənkənar parlament seçkilərinin keçirilməsi üçün Nazirlər Kabineti rəhbərinin vəzifələrini icra edən Nikol Paşinyanın baş nazir postuna seçilməsinə ikinci dəfə səs verməyib.

 

Konstitusiyaya əsasən, baş nazirin istefasından sonra parlament iki dəfə yeni baş nazir seçməzsə, qanunverici orqan buraxılır və erkən seçkilər keçirilir.

 
Youtube
Kanalımıza abunə olmağı unutmayın!
Keçid et
Bakıdan Ermənistana xəbərdarlıq: Kəndləri boşaldın,ya da...