Ötən sutka ərzində Fövqəladə Hallar Nazirliyinin (FHN) 112 - qaynar telefon xəttinə daxil olmuş zənglər əsasında nazirliyin aidiyyəti qurumları tərəfindən 51 halda yanğına çıxış, köməksiz vəziyyətdə qalma faktı üzrə 5 və intihara cəhd üzrə 1 fakt qəza-xilasetmə əməliyyatları həyata keçirilib.
FHN-in mətbuat xidmətindən Moden.az-a verilən məlumata görə, görülmüş təcili və təxirəsalınmaz tədbirlər nəticəsində yanğınlar operativ qaydada söndürülüb, insanların həyatı xilas olunub. Ümumilikdə, ötən sutka ərzində ikisi azyaşlı olmaqla altı nəfər, o cümlədən Bakı şəhərinin Səbail rayonunda intihara cəhd edən bir nəfər xilas olunub. Həmçinin Sumqayıt şəhərində dənizdə batan 2011-ci il təvəllüdlü Qələndərli Hüseyn İzmir oğlunun cəsədi dalğıc-axtarış qrupu tərəfindən tapılaraq aidiyyəti üzrə təhvil verilib.
FHN əhalinin və ərazilərin təbii və texnogen xarakterli fövqəladə hallardan qorunması istiqamətində fəaliyyətini davam etdirir.