Arxiv
20 Oktyabr 2021, 10:08 | MƏDƏNİYYƏT
Azərbaycan kinosunun ƏCNƏBİ QƏHRƏMANLARI - “Uzaq sahillərdə”ki Veselin

Azərbaycan tamaşaçılarının uzun illərdir sevə-sevə baxdığı bir sıra milli filmlərin əsas obrazlarını əcnəbi aktyor və aktrisalar canlandırıblar. Bəzilərimiz onları filmdəki qəhrəmanların adı ilə tanıyırıq, gerçəkdə isə kim olmalarından xəbərsizik. Hətta həmin aktyor və ya aktrisanı azərbaycanlı hesab edənlər də az deyil.

Modern.az saytı “Azərbaycan kinosunun əcnəbi qəhrəmanları” adlı rubrikasında oxuculara milli filmlərimizdə əsas rolların ifaçıları olmuş xarici aktyor və aktrisalar haqqında məlumatın təqdimatına davam edir. 

Rejissor Tofiq Tağızadənin İmran Qasımov və Həsən Seyidbəylinin ssenarisi əsasında çəkdiyi məşhur “Uzaq sahillərdə” filmi Azərbaycan tamaşaçılarının sevə-sevə baxdığı ekran əsəridir. 1958-ci ildə çəkilən kinolent Azərbaycan xalqının şanlı oğlu, Sovet İttifaqı Qəhrəmanı Mehdi Hüseynzadənin II Dünya Müharibəsi illərində İtaliya və Yuqoslaviyada faşist işğalçılarına qarşı apardığı mübarizəyə həsr olunub.

Filmdə yadda qalan obrazlardan biri də Veselindir. Milliyətcə serb olan Veselin azərbaycanlı “Mixaylo”nun ən yaxın silahdaşıdır.  “Uzaq sahillərdə” filmində Veselin rolunu rus aktyoru Yuri Boqolyubov canlandırıb.

Yeri gəlmişkən, bu filmdə Yurinun atası Nikolay Boqolyubov da çəkilib, o, Tinti rolunda oynayıb.

Bu gün - 20 oktyabr tarixi Yuri Boqolyubovun doğum günüdür.

Veselin - Yuri Boqolyubov Sovet kinosunun və teatrının tanınmış aktyorlarındandır.  Yuri Boqolyubov 1928-ci il oktyabrın 28-də Moskvada valideynləri teatr aktyorları olan ailədə dünyaya gəlib. Valideynləri daim məşqlərdə və çəkilişlərdə olduğuna görə onu daha çox atasının anası –nənəsi saxlayıb. Yaradıcı insanların ailəsində yaşaması, əlbəttə onun incəsənətə marağını artırıb və aktyor sənətini seçməsi təsadüfi sayıla bilməzdi.

Yuri aktyor kimi ilk addımını yeniyetmə yaşlarında atıb. Müharibə vaxtı, təhlükəsizlik məqsədilə Almatıda olarkən bir neçə rolda çıxış edib, “Vanka” novellasında isə baş rolu oynayıb.

Yuri Boqolyubov 1949-cu ildə MXAT-ın aktyor məktəb-studiyasında Vasili Toporkovun kursuna daxil olub. 1953-cü ildə oranı bitirərək Kiçik Teatrın truppasına götürülüb. Gənc aktyoru iki il sonra kino cəlb edib. 1955-ci ildə “Vasyok Trubacev və onun yoldaşları”na çəkilməsi Yuriyə şöhrət gətirib və Kiçik Teatrdan “Mosfilm” kinostudiyasına ştatlı işçi kimi götürülüb.

Diqqətçəkən və yaraşıqlı xarici görünüşü, eyni zamanda aktyorluq qabiliyyəti  Yuri Boqolyubovun çoxlu filmlərdə rol almasına səbəb olub. Boqolyubov daha çox müasir qəhrəmanların obrazlarını yaradıb. Aktyor “Uzaq sahillərdə” filmində Veselin, “Gecə yarı saat dayanıb”da Nikolay, “Təyyarə 9-da uçur”da Sergey obrazlarını yaradıb və digər filmlərdə ən populyar rollarda çıxış edib.

Yuri Boqolyubovun şəxsi həyatı o qədər uğurlu alınmayıb. Bir neçə qadınla vətəndaş nikahında olması ona xoşbəxtlik gətirməyib, o, ömrünün axırına qədər qarşılıqlı sevgi və hörmətlə yaşaya biləcəyi qadına çox sonralar rast gəlib. 1963-cü il avqustun 21-də Yurinin Qalina ilə toyları olub. 1967-ci ildə çoxdan arzuladığı oğlu Aleksey dünyaya gəlib. (Aleksey həyatdan tez köçüb, 2000-ci ildə o, vəfat edib)

Aktyor işi ilə yanaşı, Yuri Boqolyubov həm də dublyajda çalışıb.

O, 1975-ci il oktyabrın 7-də qəflətən xəstələnərək dünyasını dəyişib. Yuri Boqolyubovun xanımı Qalina uzun müddət “Mosfilm”də montajçı assistenti vəzifəsində çalışıb.

Yuri Boqolyubovun rol aldığı “Uzaq sahillərdə” filmi çəkilərkən xeyli maraqlı hadisələr yaşanıb. Belə hadisələrdən biri elə Yuri Boqolyubovla bağlıdır. Belə ki, Veselin (Yuri Boqolyubov) öləndə  Mixaylo (Nodar Şaşıqoğlu) onu qolları üstünə götürə bilmir. Filmin yaradıcı heyəti bu ekstremal vəziyyətdən çıxış yolu taparaq, problemi belə həll edirlər: filmin II rejissoru Rüfət Şabanov aktyor Nodar Şaşıqoğlunun (Mixaylo) əvəzinə Veselini qucağına alıb aparır. Təbii ki, bu kadr arxadan və yan tərəfdən elə lentə alınır ki, tamaşaçı vəziyyəti anlamasın. Belə də olur və yaradıcı heyət vəziyyətdən uğurla çıxa bilir.



A.Qorxmaz

BU KATEQORİYADAN OLAN DİGƏR XƏBƏRLƏR
+ Arxiv
Azərbaycanda Türkiyə vətəndaşları dəm qazından zəhərləndi 5 Dekabr 2021, 18:20 Papanı təhqir edən keşiş həbs edildi 5 Dekabr 2021, 18:15 Nazirlərin tualetindən kokain tapıldı 5 Dekabr 2021, 17:58 Səudiyyə Ərəbistanı və Fransa arasında müqavilə 5 Dekabr 2021, 17:45 Tanınmış jurnalist dünyasını dəyişdi 5 Dekabr 2021, 17:30 Minskdən Kiyevə nota 5 Dekabr 2021, 17:17 2 azyaşlı bacı dəm qazından zəhərləndi 5 Dekabr 2021, 17:05 Eltac Səfərli liderlər qrupunda 5 Dekabr 2021, 17:00 III doza vaksin vurduranlar 1 milyonu ÖTDÜ 5 Dekabr 2021, 16:44 Bu gün yoluxanlar: 1791 nəfər sağaldı 5 Dekabr 2021, 16:34 Oğuzda ev yandı  5 Dekabr 2021, 16:33 İlon Mask evsiz qaldı 5 Dekabr 2021, 16:29 Avropa Parlamentindən Kremlə ULTİMATUM 5 Dekabr 2021, 16:25 Türk ordusu 3 terrorçunu məhv etdi 5 Dekabr 2021, 16:18 Fati "Bavariya" ilə oyunu buraxacaq 5 Dekabr 2021, 16:04 İranda virus statistikası 5 Dekabr 2021, 15:55 ABŞ kəşfiyyat təyyarəsi Azərbaycan sərhədi boyunca uçdu 5 Dekabr 2021, 15:47 Brüssel masasında nələr var: Bakı İrəvana nələri DİQTƏ EDƏCƏK? 5 Dekabr 2021, 15:31 Gəncədə ağır qəza: ölənlər var 5 Dekabr 2021, 15:16 Gürcüstandan Ermənistana keçid qaydaları dəyişdi 5 Dekabr 2021, 15:12 Şabranda qardaş bacısını öldürdü 5 Dekabr 2021, 15:02 Federasiyadan seyf OĞURLADILAR 5 Dekabr 2021, 14:58 Göyçayda polis viruslu xəstələri saxladı 5 Dekabr 2021, 14:52 Marş "Leyptsiq"dən ayrıldı 5 Dekabr 2021, 14:44 Tanınmış şair dünyasını dəyişdi 5 Dekabr 2021, 14:35 Rusiyada koronavirus statistikası 5 Dekabr 2021, 14:23 Suriyadakı ABŞ bazasına hücum 5 Dekabr 2021, 14:15 Gəncədə "avtoş"lar saxlanıldı 5 Dekabr 2021, 14:12 Virus xəstəsi məsuliyyətə cəlb edildi 5 Dekabr 2021, 14:08 Nazir ekspertlərlə görüşdü 5 Dekabr 2021, 13:58 Türkiyədə evləri su basdı 5 Dekabr 2021, 13:51 Hindistanda atışma: ölənlər var 5 Dekabr 2021, 13:44 Avstraliya parlamenti bağlandı 5 Dekabr 2021, 13:40 Nur-sultanda xeyriyyə festivalı 5 Dekabr 2021, 13:31 Ramiz Abutalıbovun vəziyyəti AĞIRDI   5 Dekabr 2021, 13:19
SORĞU Kommunal xərciniz ən çox hansı xidmətə gedir?