Milli Məclisin Sosial siyasət komitəsinin sədr müavini Musa Quliyev Bakı yollarında fəvqəladə hallar üçün zolağın nəzərdə tutulmasını təklif edib. Bu təklifə münasibət bildirən “Azəryolservis” ASC-nin sədri, millət vəkili Cavid Qurbanov bildirib ki, bu gün Bakı küçələrində belə zolaqlar var:
“Təcili Tibbi yardım maşınları üçün ayrıca zolaq var. Yolun müəyyən bir hissəsində həmin şərt saxlanılır. Yolların müəyyən hissəsi var ki, ora Təcili Tibbi Yardım, polis, yanğınsöndürənlər üçündür və heç kəs ora daxil olmamalıdır. Amma fikir versəniz görərsiniz ki, işıqforda dayanan zaman fövqaladə hallar üçün nəzərdə tutumuş həmin zolağın üzərinə çıxırlar. Qaydalara əməl etsək, hər şey düzələcək. Bunun üçün birinci hər kəs özündən başlamalıdır”-deyə deputat bildirib.