Azərbaycan və Türkiyə arasında viza rejimi aradan qalxacaq. Modern.az-ın məlumatına görə, bu barədə Türkiyənin ölkəmizdəki səfiri Hulisi Kılıc bu gün jurnalistlərə bildirib. “Bu məsələ Azərbaycanın xarici işlər naziri Elmar Məmmədyarovun Ankaraya səfəri gedişində müzakirə olunacaq”-deyə diplomat qeyd edib. O, deyib ki, E.Məmmədyarovun Türkiyəyə səfərinin proqramı dəqiqləşib və səfər çərçivəsində bir sıra məsələlərlə yanaşı viza mövzusu da müzakirə olunacaq.
