Xarici işlər nazirlərinin “3+3” formatında növbəti görüşü bu yaxınlarda Türkiyədə baş tutacaq.
Modern.az xəbər verir ki, bunu İranın Ermənistandakı səfiri Mehdi Sobhani bildirib.
O xatırladıb ki, platformada iştirak edən xarici işlər nazirlərinin sonuncu iclası Tehranda keçirilib.
Əlavə edək ki, “3+3” formatına Rusiya, İran, Türkiyə, Ermənistan, Azərbaycan və Gürcüstan daxildir.
Hələlik Ermənistan tərəfinin Türkiyədə planlaşdırılan görüşdə iştirak edib-etməyəcəyi məlum deyil.
Bir qayda olaraq, Gürcüstan son vaxtlar platformanın iclaslarını boykot edir və qeyd edir ki, Rusiya Cənubi Osetiya və Abxaziyanı işğal altında saxladıqca, Tiflis bu görüşlərdə iştirak etməyəcək.
