Milli Məclisin Ailə, qadın və uşaq məsələləri komitəsinin sədri Hicran Hüseynova Xarici İşlər naziri Elmar Məmmədyarovu tənqid edən deputatlara irad bildirib.
Modern.az-ın məlumatına görə, deputat deyib ki, xarici işlər naziri özbaşına çıxış etmir.
“Xarici işlər naziri dövlətin mövqeyini ortaya qoyur. Mədəniyyətimizi gözləməliyik”, - deyə deputat əlavə edib.
H.Hüseynovanın sözlərinə görə, bəzi deputatlar özlərini elə göstərirlər ki, guya Qarabağ dərdinə ancaq bunların ürəyi yanır (H.Hüseynova deputat Tahir Kərimlini nəzərdə tutur - red.).
Deputat Fəzail Ağamalı isə bildirib ki, Azərbaycanın xarici işlər naziri ilə Ermənistanın xarici işlər nazirini müqayisə etmək olmaz.
Deputat Azərbaycanın xarici işlər nazirinin qorxaq fikirlərini tənqid edənlərdən biri olduğunu bildirib:
“Azərbaycanın xarici işlər naziri Dağlıq Qarabağ məsələsində daha cəsarətli çıxışlar etməlidir. Radikal çıxışları ilə Ermənistanın xarici işlər nazirini yerində otuzdurmalıdır”.
