“Növbəti iclasların gündəliyinə daha az məsələlər salınmalıdır”.
Modern.az-ın xəbərinə görə, bunu Milli Məclisin bu gün keçirilən iclasında deputat Qüdrət Həsənquliyev deyib. O bildirib ki, normalda 1 saat yarım işlədikdən sonra insanlar yorulur və ən azından kofe fasiləsinə çıxırlar:
“Amma artıq biz 2 saat işləmişik”.
Spiker Sahibə Qafarova isə bildirib ki, koronavirusla əlaqədar iclasın gündəliyinə belə çox məsələ daxil edilir:
“Biz tez-tez iclaslara gəlməmək üçün belə edirik”.
Deputat İmamverdi İsmayılov bildirib ki, həmkarları bir az qısa çıxış etsələr, iclaslar tez bitər.
Spiker isə cavabında bildirib ki, hamı deputatdır və danışmaq istəyir.
