Azərbaycan Avtomobil Yolları Dövlət Agentliyinin əməldaşları 44 günlük İkinci Qarabağ müharibəsində iştirak edib.
Modern.az-ın məlumatına görə, bunu Azərbaycan Avtomobil Yolları Dövlət Agentliyinin (AAYDA) İdarə Heyətinin sədri Saleh Məmmədov qurum tərəfindən 2020-ci il ərzində yerinə yetirilmiş işlər və qarşıda duran vəzifələrə həsr olunmuş brifinqdə bildirib.
O bildirib ki, müharibədə iştirak edən əməkdaşlardan 10 nəfər zabit olub:
“Azərbaycanın ərazi bütövlüyü uğrunda gedən döyüşlərdə içtirak edən əməkdaşlarımızdan 7 nəfər yaralanıb, 1 nəfər isə itkin düşüb. Eyni zamanda əməkdaşlarımızdan 44 nəfər döyüşdə göstərdikləri şücaətlərə görə prezident İlham Əliyev tərəfindən medallarla təltif olunublar”.
