Müasir Müsavat Partiyasının sədri Hafiz Hacıyev səhhətində yaranan problemlə əlaqədar müalicə üçün Türkiyəyə yollanıb.
Bu barədə Modern.az-a partiya sədri özü məlumat verib. O hazırda durumunun normal olduğunu söyləyib:
“Müalicə alıram. Ümid edirəm ki, hər şey yaxşı olacaq, tezliklə qayıdaram. Böyüdüləcək problem deyil. Həkimlər nikbin danışırlar. Əsəblə əlaqədar müalicə alıram. Müalicənin nə vaxt bitəcəyi məndən asılı məsələ deyil. Bir həftə çəkər, 10 gün çəkər, bilmirəm, həkimlər nə zaman icazə versə, o vaxt ölkəyə qayıdacağam”.
