“Heyvanlara rəhimsiz davranan ovçular üçün cərimələr artırılır”.
Modern.az xəbər verir ki, bunu Bioloji Müxtəlifliyin Qorunması Xidmətinin rəisi Firuddin Əliyev deyib. O qeyd edib ki, ovçuluq qaydalarının pozulması ilə bağlı qanunvericiliyə dəyişiklik edilməsi hazırda razılaşma mərhələsindədir:
“Biz bu qanun pozuntuları üçün cərimələrin artırılmasını təklif edirik. Düzgün şəkildə ov həyata keçirmək istəyən şəxslər lisenziya almalıdırlar. Bunun üçün vətəndaşlar “ASAN Xidmət”ə müraciət edə bilərlər”.
