Mingəçevir-Yevlax yolunun Salahlı kəndindən keçən hissəsində zəncirvari yol qəzası baş verib.
Modern.az xəbər verir ki, BMW markalı minik avtomobili VAZ-2107 və VAZ-2114 markalı maşınlarla toqquşub.
Məlumata görə, qəzaya səbəb olan BMW-nin qadın sürücüsü hadisə yerindən qaçıb. Onun yanında olan qadın sərnişin, eləcə də digər avtomobillərdə olan 1980-ci il təvəllüdlü Cəfərov Qəzənfər Zaur oğlu və 1988-ci il təvəllüdlü Məcidov Hüseyn Sahib oğlu isə müxtəlif dərəcəli xəsarətlər alıblar.
Yaralılar xəstəxanaya yerləşdiriliblər. Qəza ilə bağlı araşdırma aparılır.
