Prezident İlham Əliyevin Sərəncamı ilə, Səfikürd kəndindən Vətən müharibəsi şəhidimiz Behbudov Nofəl Həmid oğlu “Xocavəndin azad olunmasına görə” medalı ilə təltif olunub.
Modern.az xəbər verir ki, Goranboy rayon İcra Hakimiyyətinin başçısı Məhərrəm Quliyev Səfərbərlk və Hərbi Xidmətə Çağırış üzrə Dövlət Xidmətinin rayon şöbəsinin rəhbərliyi və bir qrup ictimai fəallarla birgə, Səfikürd kəndində şəhidimizin ailəsini ziyarət edərək medalı şəhidimizin atasına təqdim edib.
XTQ əsgəri Behbudov Nofəl Həmid oğlu Şuşa uğrunda gedən döyüşlərdə, 19 yaşında qəhrəmancasına şəhid olmuş, “Rəşadət” ordeni, "Cəsur döyüşçü", "Vətən uğrunda", “Kəlbəcərin azad olunmasına görə” və "Şuşanın azad olunmasına görə" medalları ilə təltif edilib.
