“Ermənistanda etiraz aksiyalarını təşkil edənlər, aksiyaların başında duranlar Ermənistan cəmiyyəti üçün kifayət qədər məlum şəxslərdir. Onlar əvvəllər hakimiyyətdə olublar və məqsədləri bəllidir”.
Modern.az-ın məlumatına əsasən, bunu xarici işlər naziri Ceyhun Bayramov jurnalistlərə açıqlamasında deyib.
Nazirin sözlərinə əsasən, həmin şəxslər uzun illər erməni xalqına vədlər verib, onları illüziyalarla aldadıblar: "Ermənistandakı mitinqlər hakimiyyət uğrunda mübarizənin tərkib hissəsidir. Bəziləri Qarabağ mövzusunu gündəmə gətirmək istəyirlər. Biz bu prosesləri izləyirik. Orada geniş ictimai dəstəkdən söhbət getmir, ən böyük halda beş-altı min adam belə yoxdur”.
Qeyd edək ki, Ermənistanda aprelin 25-dən etibarən baş nazir Nikol Paşinynanın istefası tələbi ilə etiraz aksiyaları keçirilir.
