UEFA Çempionlar Liqasının Liqa mərhələsi çərçivəsində keçiriləcək “Sabah” – “Borussiya” (Dortmund) oyunundan əvvəl təşkil olunacaq mətbuat konfranslarının və açıq məşqlərin vaxtı bəlli olub.
Modern.az xəbər verir ki, “Sabah”ın oyunöncəsi mətbuat konfransı oktyabrın 19-da saat 20:00-da, ilk 15 dəqiqəsi media nümayəndələri üçün açıq olacaq məşqi isə saat 20:30-da başlayacaq.
“Borussiya”nın oyunöncəsi mətbuat konfransı həmin gün saat 18:30-da, ilk 15 dəqiqəsi media nümayəndələri üçün açıq olacaq məşqi isə saat 19:00-da başlayacaq.
Hər iki komandanın mətbuat konfransı və açıq məşqi Bakı Olimpiya Stadionunda keçiriləcək.
“Sabah” – “Borussiya” oyunu oktyabrın 20-də saat 20:45-də Bakı Olimpiya Stadionunda başlayacaq.
Oyunu İspaniyadan olan hakimlər briqadasına idarə edəcək.
FIFA referisi Xavyer Alberola Roxasa həmyerliləri Alfredo Rodriges Moreno və Karlos Alvares Fernandes köməklik göstərəcək. Dördüncü hakim funksiyasını Victor Qarsiya Verdura yerinə yetirəcək.
VAR-da Sesar Soto Qrado, AVAR-da Valentin Qomes əyləşəcək.
