UEFA Çempionlar Liqasının pley-off mərhələsinin cavab oyunları çərçivəsində keçiriləcək "Sabah" (Azərbaycan) - "Hapoel" (Beer-Şeva, İsrail) matçının biletləri satışa çıxarılıb.
Modern.az xəbər verir ki, bu barədə klubun mətbuat xidməti məlumat yayıb.
Biletləri onlayn şəkildə "iticket.az" saytından, həmçinin oyun günü Tofiq Bəhramov adına Respublika stadionunun kassalarından əldə etmək mümkündür.
Qeyd edək ki, “Sabah” “Hapoel”lə ilk matçı avqustun 19-u Rumıniyanın Buxarest şəhərində, cavab oyunu isə avqustun 25-də Bakıda keçirəcək.
