Xalq şairi Nəriman Həsənzadə ilə Beynəlxalq Muğam Mərkəzində vida mərasimi keçirilir.
Modern.az xəbər verir ki, Prezident İlham Əliyev və Birinci vitse-prezident Mehriban Əliyeva mərasimə əklil göndəriblər.
Mərasimdə dövlət və hökumət rəsmiləri, Milli Məclisin deputatları, elm və mədəniyyət xadimləri, ictimaiyyət nümayəndələri, şairin ailə üzvləri, yaxınları və qələm dostları iştirak edirlər.
Qeyd edək ki, Xalq şairi Nəriman Həsənzadə avqustun 1-də 95 yaşında vəfat edib. Vida mərasimindən sonra o, I Fəxri xiyabanda dəfn olunacaq.
