Arxiv
7 Yanvar 2019, 21:46 | AKTUAL
İtaliya mediası Dağlıq Qarabağdan yazdı

İtaliyanın aparıcı KİV-lərindən olan “L’Opinione” qəzetinin 7 yanvar 2019-cu il tarixli buraxılışında Azərbaycan Respublikası Dağlıq Qarabağ Bölgəsinin Azərbaycanlı İcmasından bəhs edən müəllif Domeniko Letiziyanın “Dağlıq Qarabağ, ümid işığı” başlıqlı məqaləsi dərc olunub. Modern.az xəbər verir ki, məqalədə qeyd edilir ki, qərb mətbuatının laqeyidliyi fonunda, uzun illərdir davam edən Ermənistan-Azərbaycan Dağlıq Qarabağ münaqişəsi ilə bağlı önəmli yeniliklər eşidilir:

 

Bakı şəhərində  dekabr ayının ortalarında Azərbaycan Respublikası Dağlıq Qarabağ Bölgəsinin Azərbaycanlı İcmasının qurultayı keçirilib. Qurultayda gənc azərbaycanlı diplomat Tural Gəncəliyev Birliyin sədri təyin edilib. O, icmanın bundan öncəki sədri 67 yaşlı Bayram Səfərovu əvəz edib. Sözügedən xəbər bölgənin yerli icmaları üçün mühüm əhəmiyyət kəsb edir, belə ki, münaqişənin həll olunması üçün yeni diplomatik mexanizmlər işə salına bilər.

 

Əslən qarabağlı olan Tural Gəncəliyev Azərbaycan musiqisinin beşiyi olan Şuşa şəhərində dünyaya gəlib, uşaqlıq illərini məşhur azərbaycanlı bəstəkar Üzeyir Hacıbəylinin ev muzeyinin yaxınlığında keçirib. Bütün bunlar ona Şuşada, həmçinin də musiqi təhsili alması üçün ilham verib. 1992-ci ildə Şuşanın işğalından sonra o, Bakıya köçərək musiqi və orta məktəb təhsilini davam etdirib. Lakin peşəkar musiqiçi olmaq istəməyib, Bakı Dövlət Universitetində hüquqşünaslıq ixtisası üzrə bakalavr və magistr dərəcələrinə yiyələnib. 2004-cü ildə diplomatik xidmətdə fəaliyyətə başlayan Tural Gəncəliyev ilk öncə Azərbaycan Respublikası Xarici işlər Nazirliyinin Təhlükəsizlik Problemləri İdarəsində, sonra isə Azərbaycanın Kanada və Çex Respublikasındakı səfirliklərində, habelə Xarici İşlər Nazirliyinin Amerika İdarəsində davam etdirib. Qeyri-hökumət təşkilatları və insan haqları sahələrində də təcrübəsi olan Tural Gəncəliyev 2017-ci ildə Avstriyada “İnsan Hüquqları və məcburi köçkünlər” adlı konfransda Azərbaycan Respublikası Dağlıq Qarabağ Bölgəsinin azərbaycanlı icmasını təmsil edib.

 

“Mən 1992-ci ildən məcburi köçkünəm. Artıq yetər. Mən doğma Şuşama və uşaqlığımın keçdiyi evimizə qayıtmaq kimi ayrılmaz hüququmdan istifadə etmək istərdim”. Bu, Tural Gəncəliyevin Azərbaycan Respublikası Dağlıq Qarabağ Bölgəsinin azərbaycanlı icmasının sədri kimi ilk bəyanatıdır. O, öz Facebook səhifəsində Şuşada Ermənistan ordusu tərəfindən dağıdılmış musiqi məktəbinin dağıntılar altında olan fotolarını bölüşərək “Burada mən musiqi təhsilimi alarkən uşaqlıq illərimi keçirmişəm. Biz qayıdacayıq və Azərbaycanın dağıdılmış bütün irsini bərpa edəcəyik”, deyə bildirib.

 

“Ermənistan tərəfindən Azərbaycanın işğal olunmuş ərazilərində mahiyyət etibarilə Serj Sarkisyan rejiminin davamı olan kriminal xunta yaradılıb. Orada yaşayan erməni əhalisi, yəni Azərbaycanın Dağlıq Qarabağ bölgəsinin erməni icması qondarma xunta rejiminin işğalı altındadır, onlar total nəzarət altında saxlanılır və bütün hüquqlardan məhrum ediliblər. Ermənistan əhalisi bu ilin aprelində meydana çıxan kütləvi etiraz aksiyaları vasitəsilə Sarkisyan rejimini hakimiyyətdən saldı. Dağlıq Qarabağda baş verən son hadisələr onu göstərir ki, əhali bu qondarma kriminal rejimin mövcudluğundan bezmişdir”, deyə o ilk açıqlamalarından birində bildirib.

 

Gənc diplomatın əsas məqsədi Azərbaycan icmasının rolunu və tələblərini gücləndirmək,  bölgənin erməni və azərbaycanlı icmalarının bərabər hüquqlarının təmin edilməsidir. “Danışıqlar prosesində Ermənistan və Azərbaycan münaqişə tərəfləri, Azərbaycanın Dağlıq Qarabağ bölgəsinin erməni və azərbaycanlı icmaları isə maraqlı tərəflər kimi müəyyən olunublar. Dağlıq Qarabağın Azərbaycan icmasının legitim və ayrılmaz hüquqları bərpa olunmadan, o cümlədən onların öz doğma torpaqlarına qayıtması təmin olunmadan münaqişənin ədalətli və davamlı həlli mümkün deyildir. Serj Sarkisyan rejimi hər bir vəchlə iki icma arasında dialoqun yaradılmasına maneə olurdu və buna imkan vermirdi. Hesab edirik ki, bərabərhüquqlu tərəflər olan bu icmalar arasında Azərbaycanın sərhədləri daxilində sülh şəraitində gələcək birgə yaşayış təşviq olunmalıdır”, deyə o bildirib.

 

1988-ci ildə Ermənistanın Azərbaycan ərazisi olan Dağlıq Qarabağa ərazi iddiaları qaldırmasından sonra bu iki Cənubi Qafqaz ölkəsi arasında münaqişə başlayıb. Müharibə nəticəsində Ermənistan hərbi qüvvələri Dağlıq Qarabağ bölgəsi və ətraf 7 rayon daxil olmaqla Azərbaycan ərazisinin 20%-ni işğal edib. Ermənistan işğalçı qüvvələrinin Azərbaycanın işğal olunmuş ərazilərindən dərhal, tam və qeyd-şərtsiz çıxarılmasını, azərbaycanlı məcburi köçkünlərin öz doğma yurdlarına qayıtmasını tələb edən beynəlxalq təşkilatların çoxsaylı qərar və qətnamələri, o cümlədən BMT Təhlükəsizlik Şurasının 822, 853, 874 və 884 saylı qətnamələri yerinə yetirilmir. Azərbaycan Respublikası Dağlıq Qarabağ bölgəsinin azərbaycanlı icmasına gənc təcrübəli diplomatın rəhbərlik etməsi o deməkdir ki, Azərbaycan bölgənin azərbaycanlı icmasının rolunu gücləndirməklə bölgənin erməni və azərbaycanlı icmalarının bərabər hüququnun təmin edilməsini istəyir. Dağlıq Qarabağın statusunun müəyyənləşdirilməsində əsas kimi yalnız erməni icmasının mövqeyi götürülə bilməz.

 

Etnik təmizləmə nəticəsində bölgəni tərk etmək məcburiyyətində qalmış Azərbaycan icması Dağlıq Qarabağın gələcək hüquqi statusunun müəyyənləşdirilməsində iştirak etmək kimi qanuni hüquqa malikdir. Bu hüququ tanımadan münaqişənin ədalətli və hərtərəfli həllini təmin etmək mükün deyildir. Danışıqlarda Ermənistan həmişə Dağlıq Qarabağ ermənilərinin hüquqlarını vurğulayır. Bölgənin erməni icmasının hüquqları azərbaycanlı icmanın hüquqları hesabına təmin edilə bilməz. Bir insanın, bir etnik qrupun hüquqları digər insanın, digər bir etnik qrupun hüquqlarına xələl gətirərək təmin edilə bilməz. Bu, beynəxalq hüququn və insan haqlarının təməlidir.

 

İstinad mənbəyi:

 

http://www.opinione.it/esteri/2019/01/07/domenico-letizia_conflitto-nagorno-karabakh-armenia-azerbaigian-congresso-baku/

BU KATEQORİYADAN OLAN DİGƏR XƏBƏRLƏR
+ Arxiv
Mərkəzi Bank ödəniş terminalların rəhbərlərinə tapşırıqlar verdi 12 Aprel 2021, 11:32 Gürcüstanın Kəşfiyyat Xidmətinin rəisi Qarabağla bağlı hesabat HAZIRLAYIB 12 Aprel 2021, 11:31 Əhalidən yararsız pullar yığılır  12 Aprel 2021, 11:26 Özbəkistan “ASAN xidmət” modelini öyrənir - FOTO 12 Aprel 2021, 11:21 Ermənilərin Xocavənddə cəsəd axtarışı nəticə vermədi 12 Aprel 2021, 11:19 MTRŞ-nin üzvü ürək tutmasından ÖLDÜ 12 Aprel 2021, 11:13 Pensiya alanlara ŞAD XƏBƏR 12 Aprel 2021, 11:08 “YAŞAT” fondu mühüm humanitar missiyanı yerinə yetirir 12 Aprel 2021, 11:04 Aşıq Ələsgərin 200 illiyinə həsr olunmuş virtual konfrans keçirilib 12 Aprel 2021, 11:00 Səhhətinə görə Türkiyəyə gedən Vahid Əhmədov DANIŞDI: “Müalicə davam edir” 12 Aprel 2021, 10:57 Bakıda avtomat satan şəxs tutuldu - FOTO 12 Aprel 2021, 10:52 Milli Qəhrəmanın anası koronavirusdan vəfat etdi - FOTO 12 Aprel 2021, 10:47 Həkimdən peyvənd olunanlara vacib MƏSLƏHƏT: “Çalışıb bunları edin!” 12 Aprel 2021, 10:41 Elektrik dirəyindən yıxılaraq ÖLDÜ 12 Aprel 2021, 10:39 Milli Konservatoriyada dərslər DAYANDIRILDI 12 Aprel 2021, 10:37 Yas mərasimində iştirak edən 5 nəfər məsuliyyətə cəlb olundu 12 Aprel 2021, 10:32 Sərhədsiz xeyirxahlıq və yaxşılıqlar sahibi - Sərhəd Qasımov 12 Aprel 2021, 10:27 Daha bir həkim koronavirusdan vəfat etdi 12 Aprel 2021, 10:22 Yevlax və Sabirabadda toy edənlər CƏRİMƏLƏNDİ 12 Aprel 2021, 10:17 Ötən gün 17 COVID-19 xəstəsi SAXLANILDI 12 Aprel 2021, 10:12 Deputat turizm mövsümü ilə bağlı qaydalara dəyişiklik İSTƏDİ 12 Aprel 2021, 10:06 Marketə çörək almağa gedən koronavirus xəstəsi YAXALANDI 12 Aprel 2021, 10:00 “Respublika” qəzetinə baş redaktor təyin olundu 12 Aprel 2021, 09:55 Lənkəranın məşhur restoranlarında toy edənlər CƏRİMƏLƏNDİ 12 Aprel 2021, 09:49 Polisin işi artıb: toy mərasimləri ara vermir 12 Aprel 2021, 09:44 Neft yenidən bahalaşdı 12 Aprel 2021, 09:40 Ronaldo bu dəfə formasını yerə atdı 12 Aprel 2021, 09:34 “Bu yaşımda saçım ağarmasaydı, xəcalətimdən cəmiyyət içinə çıxa bilməzdim” - Fəzail İbrahimli 12 Aprel 2021, 09:28 Qarabağ məsələsi Gürcüstan parlamentində 12 Aprel 2021, 09:24 “Şuşa” restoranında toy edənlər CƏRİMƏLƏNDİ 12 Aprel 2021, 09:21 Manatın xarici valyutalara qarşı MƏZƏNNƏSİ 12 Aprel 2021, 09:18 Bakıda istirahət mərkəzində YANĞIN 12 Aprel 2021, 09:13 Beynəlxalq reytinq agentliyi SOCAR-ın reytinqini təsdiqlədi: “Mənfi” 12 Aprel 2021, 09:10 Dünyanı silkələyən SƏYAHƏT - Adi fəhlə oğlu necə məşhurlaşdı... 12 Aprel 2021, 09:06 Azərbaycanın ən uzun asma körpüsü tikilir - FOTO 12 Aprel 2021, 09:00