Arxiv
5 Fevral 2019, 09:53 | ƏDƏBİYYAT
Atasızlığa...  

Fidan Z.Aslanova


Həyatda hər nəyi itirirsən itir, onunçun özünü ovudacaq səbəb-bəhanə tapa bilirsən. Onlar da olmadı, adına qədər-qismət deyib üstündən keçirsən.
Qədəri günahkar, qisməti mərdimazar, taleyi borclu çıxarıb, Tanrıya asi olduğun məqamdı Atanı itirmək...

***

Ağlım kəsəndən yadımdadı ki, fevral ayını heç sevməzdi Atam. Bu ayı salamat çıxana zaval yoxdu - deyirdi. 5 fevral 2013. Od düşdüyü yeri yandırır. 6 il... Heçmi insanın içindəki od soyumaz?!

***

Bir yaxın yoldaşdan kitab alacaqdım. Görüşüb xeyli söhbət etdik. Özümüzdən danışdıq. Atalarımızdan danışdıq. Atalı vaxtlarımızı xatırlayıb, Atasız halımıza baxdıq. Sonra ikimiz də bir ağızdan dedik ki: “Atalarımız dünyalarını tez dəyişdi. Nə özləri bir gün gördülər, nə də bizə bir gün ağladılar”. 
İkimizin də yaşı 30-u keçib...

***

Ağ gün demişkən...

Atam hər dəfə bizə nəsihət edəndə deyirdi ki, “Mən kömürçü Əminin oğluyam. Uşaq vaxtından ailəmdən uzaq düşüb (Kəndlərində tam orta məktəb olmayıb. 6-cı sinifdən rayonda qohumlarının evində qalıb məktəb oxumaq üçün), oxuyub, ali təhsil aldım. Mənim kimi saf kənd uşağı Əfqanıstanın od-alovundan, Bakı kimi əjdahanın (heç sevmirdi bu şəhəri) ağzından çıxıb, Zakir Sadatlı oldum. Siz də oxuyun, çalışın, özünüz-özünüzə bir gün ağlayın. Sizə mal-mülk qoyub gedən dədələrdən olmayacam. Amma adım gələn yerdə də siz xəcalət çəkən övladlardan olmayacaqsınız”.

Həyatda qızına sataşan ataların olduğunu eşidib, ailəsinə zülm edən, oğurluq, üzəduranlıq, şərəfsizliklə övladına çörək “qazanan”, “gün ağlayan” “atalar”ı gördükcə anladım ki, şərəfli, vicdanlı, ədalətli, mərd kişinin övladı olmaq, adı çəkiləndə fəxr duyulan sözlər eşitmək elə Dümağ günə çıxmaq imiş... 
Məsləhət edə bilmədiyin fikir, addım atmağa qorxduğun yol, arxanda hiss etmədiyin dayaq, çətinə düşəndə qolundan yapışmayan əl, başına çəkilməyən tumar, eşitmədiyin səs....-lər imiş... Bizim tamarzı qaldığımız, adına “Ağ gün” dediyimiz şey həyatda Atasızlığı hiss etdiyimiz, dərk etdiyimiz hər məqam imiş...

***

Olduğun yer cənnətdi, Ata. Bilirəm...

***

Zakir Sadatlı

Daha adamları sevib qurtardım,
Sevgidən, nifrətdən doydum, İlahi.
Üstündən ah çəkdim bir iki qullab
Onu da yarımçıq qoydum, İlahi.

Adamlar içini xaraba qoyub, 
Uçuq divarların dibiynən gedir.
Hərə öz başına bir noxta salıb
Bir zatı qırığın ipiynən gedir..

Otlar ac qarına çıxır torpaqdan
Sular birnəfəsə yürüyüb gedir.
Ağac basdırırsan göyərib çıxır,
Adam basdırırsan çürüyüb gedir...

Başın qarışıqdı başına dönüm,
Küfr olar, desəm ki, işin-gücün yox,
Səndən bəndələrin çörək istəyir,
Sən olan yerdə də əkin-biçin yox...

İlahi, səni də dişimə vurdum
Yerdən göy çağırmaz, göydən yer məni
İlahi, sən mənə yiyə durmadın,
Dədəmə, nənəmə apar ver məni! 

BU KATEQORİYADAN OLAN DİGƏR XƏBƏRLƏR
+ Arxiv
Baş Nazir banklarla bağlı Konstitusiya Məhkəməsinə sorğu GÖNDƏRDİ 11 İyul 2020, 19:06 Həftə ərzində gözlənilən hava şəraiti AÇIQLANDI 11 İyul 2020, 18:47 İlham Əliyevin təşəbbüsü ilə keçiriləcək BMT-nin xüsusi iclasının gündəliyi AÇIQLANDI 11 İyul 2020, 18:20 Təhsil Jurnalistləri Birliyinin ilk virtual görüşü keçirildi 11 İyul 2020, 18:09 Pendirin orqanizmə faydaları və təhlükələri 11 İyul 2020, 18:00 Mehriban Əliyevanın göstərişi ilə daha bir şəhid ailəsinə ev verildi - VİDEO 11 İyul 2020, 17:52 Rəfael Ağayev Rusiyadan təklif aldı 11 İyul 2020, 17:45 Dünya çempionu vəfat etdi 11 İyul 2020, 17:37 190 manatı qarpız alıb təpikləyənlərlə bağlı AÇIQLAMA 11 İyul 2020, 17:30 İranda 188 nəfər koronavirusdan ÖLDÜ 11 İyul 2020, 17:22 Bağ evində narkotik becərən şəxs SAXLANILDI 11 İyul 2020, 17:14 Nazirlikdən 190 manat birdəfəlik ödəməni ala bilməyənlərə CAVAB 11 İyul 2020, 17:06 Bill Geytsdən koronavirusla mübarizədə YENİ TƏKLİFLƏR 11 İyul 2020, 16:57 Prokurorluq məlumat YAYDI 11 İyul 2020, 16:49 Körpünün altında top mərmisi tapıldı -FOTO 11 İyul 2020, 16:40 Azərbaycanda daha 531 nəfər koronavirusa yoluxdu - 514 nəfər SAĞALDI 11 İyul 2020, 16:30 17 mindən çox subbakalavr ərizəsini TƏSDİQLƏDİ 11 İyul 2020, 16:18 İlham Əliyev Monteneqronun prezidentini təbrik etdi 11 İyul 2020, 16:10 EANA-ya üzv agentliklərin növbəti vebseminarında medianın aktual problemləri müzakirə olunub -FOTO 11 İyul 2020, 16:00 Bir ton narkotik vasitə yandırıldı -FOTO 11 İyul 2020, 15:51 Şəkidə təkrar qarğıdalı əkini aparılır - FOTO 11 İyul 2020, 15:43 Formula 1-i bu ölkədə canlı izləmək olacaq 11 İyul 2020, 15:35 İcra başçısının işdən çıxarılmasına səbəb olan obyekt söküldü - VİDEO 11 İyul 2020, 15:27 Azərbaycan-Litva Hökumətlərarası Komissiyanın iclası keçirildi - FOTO 11 İyul 2020, 15:18 Sentyabrda dərslərə əvvəlki formada başlayacağıq - Cəsarət Valehov 11 İyul 2020, 15:10 Azərbaycanda daha bir həkim koronavirusa YOLUXDU 11 İyul 2020, 15:02 İlham Əliyev icra başçısını işdən çıxardı - SƏRƏNCAM 11 İyul 2020, 14:55 “Roskosmos” İlon Maskla əməkdaşlığa hazırdır 11 İyul 2020, 14:49 Dövlət Agentliyi 73 market və restoranda qayda pozuntusu aşkarladı - SİYAHI 11 İyul 2020, 14:44 Kişi qırığı 11 İyul 2020, 14:36 Kəlbəcərdə öldürülən şəhid Həsən Həsənovun anım günüdür 11 İyul 2020, 14:36 Ermənilər Qarabağ meşələrini kütləvi şəkildə qırır - FOTOFAKT 11 İyul 2020, 14:29 İran Xəzərdə kilkə ovuna başladı 11 İyul 2020, 14:25 Hacıqabulda reydlər davam edir - FOTO 11 İyul 2020, 14:20 Yağış xəstəxananın hasarını uçurdu - FOTOLAR 11 İyul 2020, 14:12