Arxiv
13 Fervral 2019, 08:25 | MƏDƏNİYYƏT
O dünyadakılara ZƏNG ETDİK:  Danışanlar” da oldu, “susanlar” da...  

Bu gün dünyasını dəyişən insanlardan təkcə xatirələr qalmır. Telefonumuzun yaddaşında mobil nömrələri də silinmir. Daha doğrusu, bəzilərinin adını telefonun yaddaşından silməyə əlimiz gəlmir. Hərdən kimisə axtaranda dünyasını dəyişmiş adamların adları da qarşımıza çıxır.

Biz jurnalistlər hər gün onlarla tanınmış insanla, ekspertlərlə danışır, müsahibələr, açıqlamalar götürürük. Böyük telefon dəftərlərimizdə qeydiyyatda olan nömrələrin sahibləri vəfat etdikdə belə, çoxlarımız onların adlarını dəftərlərimizdən silmirik. Həmçinin telefonlarımızın yaddaşından da...

Hətta bu gün, cəsarətimizi toplayıb, vəfat etmiş şəxslərdən kimlərinsə mobil nömrələrinə zəng etsək, bir neçəsinin aktiv olduğunu da görərik. Təbii ki, o insanların ailə üzvləri, övladları, yaxınları mobil nömrələrin bağlanmasına imkan vermir, özü həyatda olmayan şəxslərin telefonlarına cavab verirlər.

Yoxlamaq, istədik... Ömrünün sonlarına qədər əlaqə saxladığımız şəxslərdən hazırda hansının mobil nömrəsi aktivdir?

Modern.az bu barədə araşdırmanı təqdim edir.


İlk olaraq, zəng vurduğumuz nömrə tanınmış şair Məmməd Aslanın oldu. 2015-ci il, sentyabrın 23-də haqq dünyasına qovuşan şairin təəssüf ki, telefonu uzun müddətdir işləmir. Çünki artıq nömrə istifadə edilmədiyindən “təyin edilməmişlər” siyahısına düşüb.


Aşıq Ədalətin isə mobil nömrəsi aktivdir. Ustad aşığın oğlu Hekayət Nəsibov atasının mobil nömrəsini öz telefonuna yönləndirərək, ona gələn zənglərə cavab verir. Onunla danışdığımızda atasının yaddaşlardan silinməyini istəmədiyini bildirdi.
Aşıq Ədalət 2017-ci il sentyabrın 14-ü uzun sürən xəstəlikdən sonra 78 yaşında vəfat edib.


Hamımızın yaxşı tanıdığı xalq şairi Zəlimxan Yaqubun  telefon dəftərçəmizdə qeydiyyatda olan hər üç nömrəsinə zəng etdik. Bu məşhurun da mobil nömrələrindən heç biri işləmirdi.
Xatırladaq ki, Zəlimxan Yaqubun vəfatından 3 il keçib. Ustad şair 2016-cı il yanvar ayının 9-da 65 yaşında rəhmətə gedib.

Ötən il vəfat edən deputat Astan Şahverdiyev mobil nömrəsi ikitərəfli bağlanmasa da söndürülüb. Yəqin ki, qısa müddət sonra zəng çatmayan bu nömrə də tarixə qovuşacaq.


Sağlığında jurnalistlərin tez-tez müraciət etdiyi, özünün də dediyi kimi həmkarlarımızın zənglərindən telefonu susmayan əməkdar iqtisadçı Oqtay Haqverdiyevin mobil nömrəsi də “təyin edilməmişlər” siyahısına düşüb. Oqtay Haqverdiyev 2017-ci il mart ayının 12-də 80 yaşında vəfat etmişdi.  


Xalq şairi Vaqif Səmədoğlunun mobil nömrəsi isə aktiv imiş. Onun vaxtilə istifadə etdiyi mobil telefonu və əlaqə nömrəsi hazırda həyat yoldaşındadır.
Nüşabə xanım Vəkilova ömür-gün yoldaşının telefonuna tez-tez zənglərin gəldiyini, hətta jurnalistlərin də müxtəlif mövzularla əlaqədar xanıma elə bu nömrədən əlaqə saxlayaraq, müraciət etdiyini söylədi.
Vaqif Səmədoğlunun ölümündən 4 il ötüb. Xalq şairi 2015-ci il yanvarın 28-də vəfat edib.


Ötən il vəfat edən məşhur aktyorumuz Fuad Poladovun həyat yoldaşı Gülüstan xanım da xalq artistinin mobil nömrəsini istifadə edir. Gülüstan xanım qeyd etdi ki, Fuad müəllimin telefonuna ən çox zəng edən yazıçı Seyran Səxavətdir:
“Çox nadir hallarda jurnalistlərdən və digər şəxslərdən zənglər gəlir. Demək olar, Fuad müəllimə gələn zənglər çoxdan susub, amma buna baxmayaraq, mən nömrənin aktiv qalmasına çalışıram”.
Xatırladaq ki, bu il may ayının 4-də Fuad Poladovun vəfatının 1 ili tamam olacaq. O, 69 yaşında, xərçəng xəstəliyindən dünyasını dəyişib.


Xalq artisti, tanınmış aktrisa Amaliya Pənahovanın mobil telefonu isə sönülüdür. Görünür, xalq artistinin mobil nömrəsi ailə üzvləri tərəfindən aktiv saxlanmır.
Qeyd edək ki, Amaliya Pənahovanın ölüm xəbəri 4 ay əvvəl, ötən il noyabrın 8-də yayıldı. Onun xərçəng xəstəliyindən vəfat etdiyi açıqlanıb.


Qəfil ölümü ilə mediada uzun müddət müzakirə olunan tanınmış psixoloq Dəyanət Rzayevin mobil nömrəsinə də zəng etdik. Onun Facebook profili aktiv olsa da, mobil nömrəsi “təyin edilməmişlər” siyahısındadır. Dəyanət Rzayevin sosial şəbəkə hesabını onun oğlu idarə edir.

Allah dünyadan köçənlərə rəhmət eləsin, qalanlara ömür versin...

BU KATEQORİYADAN OLAN DİGƏR XƏBƏRLƏR
+ Arxiv
Rusiyada azərbaycanlı bloqer saxlanıldı 25 Avqust 2019, 00:53 Sumqayıtda iki qrup arasında kütləvi dava 25 Avqust 2019, 00:43 Bakıda avtobus iki piyadanı vurdu 25 Avqust 2019, 00:28 Zeynəbin  təhsil haqqı tam ödənildi 25 Avqust 2019, 00:12 Xəzərdə batan 2 nəfər xilas edildi 24 Avqust 2019, 23:57 Fransada etirazçılarla  qarşıdurma 24 Avqust 2019, 23:38 Heydər Əliyev Mərkəzinin parkında konsert 24 Avqust 2019, 23:24 Türkiyədə polisləri daşıyan maşın aşdı: 2 ölü 24 Avqust 2019, 23:10 Sumqayıtda toy zamanı şadlıq evi yandı: 360 nəfər təxliyyə edildi 24 Avqust 2019, 22:59 Şəkidə yanğın 70 hektar ərazini kül etdi 24 Avqust 2019, 22:46 Sərbəst sözün işığı 24 Avqust 2019, 22:37 Ruhani  rialdan dörd sıfrı silir 24 Avqust 2019, 22:17 Goranboyda ağır qəza: 1 ölü, 5 yaralı 24 Avqust 2019, 21:44 "Səbail" I pilləyə yüksəldi 24 Avqust 2019, 21:30 Ərdoğan İmamoğlunu yenə tənqid etdi 24 Avqust 2019, 21:13 Kürdəmirdə daha bir fəhlə iş yerində öldü 24 Avqust 2019, 20:56 Rusiyada iki azərbaycanlı həbs olundu 24 Avqust 2019, 20:38 Gecə klubunda 52 nəfər saxlanıldı 24 Avqust 2019, 20:19 Tramp Makronla G7 sammiti öncəsi müzakirə apardı 24 Avqust 2019, 20:01 Yevlaxda 17 gün əvvəl edilən oğurluğun üstü açılıb 24 Avqust 2019, 17:56 Bakıda məşqə gedən 21 yaşlı oğlan avtovağzalda itkin düşdü 24 Avqust 2019, 17:42 Ukrayna vətəndaşı Bakıda 160 min dollarlıq dələduzluq edib 24 Avqust 2019, 17:30 Çin Trampa rəsmi XƏBƏRDARLIQ etdi 24 Avqust 2019, 17:13 Azərbaycanın daha bir aparıcı bankına haker hücumu olub 24 Avqust 2019, 16:53 Türkiyədə zirehli avtomobil aşıb, 2 polis ölüb, 4-ü xəsarət alıb 24 Avqust 2019, 16:46 Zelenski Bakı ermənisini TŞ-nin rəhbəri postuna gətirir? 24 Avqust 2019, 16:31 Şamaxıda "Toyota"nın vurduğu piyada xəstəxanada öldü 24 Avqust 2019, 16:18 Sosial evləri kirayə verənlər: “Mənzilə ehtiyacları yoxdur, pul qazanmağı düşünürlər” 24 Avqust 2019, 15:53 ABŞ İran tankerini qəbul edən limanları sanksiyalarla hədələdi 24 Avqust 2019, 15:39 Prezident İslam Əməkdaşlıq Təşkilatının Baş katibini qəbul edib - YENİLƏNİB 24 Avqust 2019, 15:27 İranda iqtisadi vəziyyət pisləşməkdə davam edir 24 Avqust 2019, 14:56 Azərbaycanlı aparıcı 45 milyonluq torpaq sahəsini satdı - Fotolar 24 Avqust 2019, 14:49 Bakıda narkobaronlara qarşı əməliyyat: "Bibixanım" saxlanıldı - FOTOLAR 24 Avqust 2019, 14:21 Goranboyda növbəti ümumrayon aksiyası keçirildi 24 Avqust 2019, 14:05 Rusiya dənizdən raketlər atdı, hədəflər məhv edildi 24 Avqust 2019, 13:51